德崇国际机场查获33公斤大麻 嫌犯为外籍人士

កញ្ឆាក្រៀម ៣៣គីឡូក្រាម ត្រូវបានរកឃើញក្នុងវ៉ាលិសដែលជនល្មើសបម្រុងនាំចេញពីកម្ពុជា រុក្ខជាតិក្រៀម សង្ស័យជាសារធាតុញៀនប្រភេទកញ្ឆាចំនួន២០ដុំ ស្មើនឹង៣៣០៧៣ក្រាម ត្រូវបានមន្ត្រីគយ និងនគរបាលអន្តោប្រវេសន៍ រកឃើញក្នុងវ៉ាលិសសម្លៀកបំពាក់របស់អ្នកដំណើរម្នាក់ជាជនបរទេស ដែលត្រៀមចាកចេញពីកម្ពុជា។ ករណីនេះ កើតឡើងនៅថ្ងៃទី៦ ខែតុលា នៅស្ថានីយអ្នកដំណើរចេញនៃអាកាសយានដ្ឋានអន្តរជាតិតេជោ។ បើតាមការចុះផ្សាយ របស់អគ្គនាយកដ្ឋានគយ និងរដ្ឋាករ បន្ទាប់ពីបានបំពេញនីតិវិធីបឋម និងរៀបចំកំណត់ហេតុល្មើសច្បាប់គយរួច ជនសង្ស័យ វត្ថុតាង និងសម្ភារៈពាក់ព័ន្ធ ត្រូវបានប្រគល់ជូនមន្ទីរប្រឆាំងគ្រឿងញៀន ដើម្បីគ្រប់គ្រង ថែរក្សា និងចាត់ការបន្ត តាមនីតិវិធីច្បាប់ជាធរមាន។ រូបភាព៖ ហ្វេសប៊ុកអគ្គនាយកដ្ឋានគយ និងរដ្ឋាករ