金边雷西郊区当局在市长指挥下，对辖区内网络诈骗窝点进行清查，

វីដេអូ៖ អនុវត្តតាមបទបញ្ជាដ៏មុឹងម៉ាត់របស់ ឯកឧត្តម ឃួង ស្រេង ប្រធានគណៈបញ្ជាការឯកភាពរដ្ឋបាលរាជធានីភ្នំពេញ នាព្រឹកថ្ងៃអាទិត្យ ៩កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២០ ខែកញ្ញា ឆ្នាំ២០២៦នេះ កម្លាំងចំរុះគណៈបញ្ជាការឯកភាពរដ្ឋបាលខណ្ឌឫស្សីកែវ និងកម្លាំងជំនាញពាក់ព័ន្ធ ដឹកនាំដោយ លោក ជិន ប៊ុនធឿន អភិបាលខណ្ឌឫស្សីកែវ និងជាប្រធានគណៈបញ្ជាការឯកភាពរដ្ឋបាលខណ្ឌ បានចុះបោសសំអាតបទល្មើសOnline Scam នៅក្នុងមូលដ្ឋានសង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ។ សូមជម្រាបជូនផងដែរថា សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានដាក់បទបញ្ជាយ៉ាងម៉ឺងម៉ាត់បំផុតឲ្យអាជ្ញាធរមានសមត្ថកិច្ច និងកងកម្លាំងពាក់ព័ន្ធទាំងអស់ បន្តការបង្ក្រាបបទល្មើសឆបោកតាមប្រព័ន្ធបច្ចេកវិទ្យា (Online Scam) ដោយគ្មានការបង្អង់ដៃឡើយ។ សម្ដេចបានសង្កត់ធ្ងន់ថា ច្បាប់មានហើយ ដូច្នេះត្រូវតែអនុវត្តឲ្យបានម៉ត់ចត់ និងមានប្រសិទ្ធភាព ដោយមិនបន្ធូរដៃ និងគ្មានការលើកលែង។ បទបញ្ជានេះត្រូវបានធ្វើឡើងជាបន្តបន្ទាប់ ដោយសម្ដេចបានក្រើនរំលឹកជាប្រចាំឲ្យបន្តបេសកកម្មនេះជានិច្ច ដោយដាច់ខាតមិនអនុញ្ញាតឲ្យបញ្ហានេះកើតមាននៅលើទឹកដីកម្ពុជាទៀតឡើយ។