铁桥头区男子冒充宪兵滋事 暴力打砸邻居窗户被举报

គ្រាន់តែនិយាយរឿងសត្វឆ្កែសោះ ធ្វើឲ្យបុរសម្នាក់ថាខ្លួនជា ប៉េអឹម ក៏រើសដាក់ខ្លួន ហើយក៏ខឹងជេរប្រមាថទៅលើក្មេងៗស្រីៗពីរនាក់នោះនិងដេញវ៉ៃថែមទៀតផង នៅថ្ងៃទី ២២ ខែ កក្កដា ឆ្នាំ ២០២៦ មានករណី ភ្ញាក់ផ្អើលមួយទាំងយប់ ម៉ោងប្រហែល 7:00 នាទីជាង ដោយក្មេងស្រីៗពីរនាក់អង្គុយលេងលើគ្រែមុខផ្ទះជួលនិងនិយាយលេងរឿងឆ្កែ ស្រាប់តែមានបុរសម្នាក់ជួលជាប់បន្ទប់គ្នាក៏ចេញមកជេរប្រមាថក្មេងស្រីៗនោះយ៉ាងខ្លាំង បន្ទាប់មកមីងខាងក្មេងស្រីៗនោះក៏ចេញមកសួរនាំ ក៏បុរសនោះមិនស្ដាប់ថែមទាំងជេរនិងដេញវ៉ៃ តែវ៉ៃមិនបាន ក៏នាំមីងក្មួយរត់ចូលក្នុងបន្ទប់បន្ទាប់មកបុរសនោះ ខឹងវ៉ៃមនុស្សមិនបានក៏ទៅវ៉ៃកញ្ចក់បង្អួចបែក រួចក៏មានបងប្អូនប្រជាពលរដ្ឋដែលជួលបន្ទប់នៅក្បែរនោះជួយមហាមឃាត់សម្រួលគ្នាតែបុរសនោះមិនស្ដាប់នោះឡើយ ថែមទាំងគម្រាមគេថា អញខ្លាចពួកហ្អែងអីហ្អា អញធ្វើ ប៉េអឹម ប៉ុណ្ណឹងដែរ បន្ទាប់ពីកើតហេតុស្ត្រីរងគ្រោះនោះ ក៏បានទៅដាក់ ពាក្យ បណ្ដឹង នៅប៉ុស្តិ៍ សង្កាត់ និរោធ ខណ្ឌច្បារអំពៅ រាជធានីភ្នំពេញ រួចក៏សមត្ថកិច្ច ខាង សង្កាត់និរោធ ក៏បានអញ្ជើញនិងហៅបុរសខាងលើនោះឲ្យចូលមកដើម្បីសម្រួលគ្នា ក៏ប៉ុន្តែបុរសខាងលើ មិនព្រមចូលខ្លួននោះឡើយ គេថានឹងប្ដឹងស្ត្រីរងគ្រោះនោះវិញ ប្ដឹងនៅ ប៉េអឹម នេះបើយោងតាមសម្ដី របស់លោកមេប៉ុស្តិ៍ សង្កាត់ និរោធ ជុំវិញបញ្ហាខាងលើនេះដែរប្រជាពលរដ្ឋនិងស្ត្រីរងគ្រោះ សូមស្នើសុំទៅដល់ ឯកឧត្តម រ័ត្ន ស៊្រាង មេបញ្ជាការ កងរាជអាវុធហត្ថ រាជធានីភ្នំពេញ សូមជួយអន្តរាគមន៍ បញ្ហាខាងលើនេះផង ដោយបុរសខាងអះអាងថាខ្លួនជា ប៉េអឹម មានឈ្មោះ សយ សុភា បច្ចុប្បន្ននៅផ្ទះជួល ភូមិតាងូវ សង្កាត់ និរោធ ខណ្ឌច្បារអំពៅ រាជធានីភ្នំពេញ