波贝女子因网络辱骂他人被捕 案件已移交法院

(ព័ត៌មានបឋម) ត្រីកំផ្លៀងងាប់ ព្រោះតែមាត់! នារីម្នាក់ត្រូវសមត្ថកិច្ចឃាត់ខ្លួន ពាក់ព័ន្ធបទល្មើសជេរប្រមាថធ្ងន់ធ្ងរ... ត្រីកំផ្លៀងងាប់ ព្រោះតែមាត់! នារីម្នាក់ឈ្មោះ ភី យ៉ាងរី អាយុ ២៥ឆ្នាំ ម្ចាស់គណនីហ្វេសប៊ុក «អាយ៉ា ទឹកត្នោតជូរ» រស់នៅភូមិប្រជាធម្មខាងកើត សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ ត្រូវបានសមត្ថកិច្ចនគរបាលខេត្តពោធិ៍សាត់ឃាត់ខ្លួន។ តាមព័ត៌មានដែលទទួលបាន ការឃាត់ខ្លួននេះធ្វើឡើងពាក់ព័ន្ធនឹងករណី ជេរប្រមាថប្រជាពលរដ្ឋខេត្តពោធិ៍សាត់ធ្ងន់ធ្ងរ បច្ចុប្បន្ន សមត្ថកិច្ចកំពុងរៀបចំសំណុំរឿង ដើម្បីបញ្ជូនទៅសាលាដំបូងខេត្តពោធិ៍សាត់ ចាត់ការតាមនីតិវិធី និងច្បាប់ជាធរមាន។ ករណីនេះក៏ជាការរំលឹកដល់អ្នកប្រើប្រាស់បណ្ដាញសង្គមទាំងអស់ថា ការបញ្ចេញមតិ ឬការប្រើពាក្យសម្ដីនៅលើបណ្ដាញសង្គម គួរតែមានការប្រុងប្រយ័ត្ន និងគោរពសិទ្ធិ កិត្តិយស និងសេចក្ដីថ្លៃថ្នូររបស់អ្នកដទៃ។ ប្រទេសមានច្បាប់ គ្រួសារមានវិន័យ បុគ្គលណាប្រព្រឹត្តខុស ត្រូវទទួលខុសត្រូវ និងទទួលការចាត់ការតាមផ្លូវច្បាប់។ សូមបញ្ជាក់ថា ការចោទប្រកាន់មិនទាន់មានន័យថាបុគ្គលនោះមានពិរុទ្ធភាពជាស្ថាពរឡើយ រហូតដល់មានសេចក្ដីសម្រេចចុងក្រោយរបស់តុលាការ៕ (ពីខ្ញុំប៊ុនធឿនហៅខ្លាពី)