金边隆边区弃婴案告破 警方已抓获涉事母亲

UPDATE: សមត្ថកិច្ចរកឃើញម្តាយ ដែលយកទារកទៅបោះបង់ចោលក្នុងធុងសំរាមហើយ។ ភ្នំពេញ៖ សមត្ថកិច្ចរាជធានីភ្នំពេញ បានស្រាវជ្រាវរកឃើញស្ត្រីជាម្តាយរបស់ទារក ដែលត្រូវបានប្រទះឃើញក្នុងធុងសំរាម ក្បែរហាងលក់ផ្កា Memory តាមផ្លូវ២៤២ សង្កាត់បឹងរាំង ខណ្ឌដូនពេញ កាលពីអធ្រាត្រឈានចូលថ្ងៃទី១២ ខែកញ្ញា ឆ្នាំ២០២៦។ ក្រោយកើតហេតុ លោកស្នងការនគរបាលរាជធានីភ្នំពេញ បានបញ្ជាឱ្យកម្លាំងជំនាញស្រាវជ្រាវរកអ្នកដែលបានយកទារកទៅបោះបង់ចោល។ ទីបំផុត នៅវេលាម៉ោង១០ព្រឹក ថ្ងៃទី១៣ ខែកញ្ញា ឆ្នាំ២០២៦ កម្លាំងសមត្ថកិច្ចបានរកឃើញស្ត្រីជាម្តាយរបស់ទារក។ តាមសមត្ថកិច្ច កម្លាំងជំនាញដឹកនាំដោយលោកស្នងការរង ឆេង សារ៉ត និងមន្ត្រីនគរបាលប៉ុស្តិ៍ចតុមុខ បានស្រាវជ្រាវរកឃើញស្ត្រីជាម្តាយ ឈ្មោះ មោក ចាន់រី អាយុ១៩ឆ្នាំ ស្នាក់នៅសង្កាត់ចតុមុខ។ បច្ចុប្បន្ន ស្ត្រីរូបនេះត្រូវបានសមត្ថកិច្ចនាំទៅកាន់ប៉ុស្តិ៍នគរបាលចតុមុខ ដើម្បីសាកសួរ និងស្រាវជ្រាវបន្តអំពីមូលហេតុដែលនាំឱ្យមានការបោះបង់ទារកចោលក្នុងធុងសំរាម។ #Troryorng   [JOIN CHANNEL](https://t.me/oa_channel) "🔔"