德崇和平国家医院成功取出患者膀胱内水蛭

មន្ទីរពេទ្យតេជោសន្តិភាព ចាប់យកសត្វឈ្លើងចេញពី«ប្លោកនោម»បុរសម្នាក់ដោយជោគជ័យ មន្ទីរពេទ្យតេជោសន្តិភាពឱ្យដឹងថា កាលពីល្ងាចនៅថ្ងៃទី១ ខែមិថុនា ក្រុមគ្រូពេទ្យឯកទេសមូត្រសាស្ត្ររបស់មន្ទីរពេទ្យ បានចាប់យកសត្វឈ្លើងចេញពីប្លោកនោមអ្នកជំងឺជាបុរសវ័យប្រមាណ៣០ឆ្នាំម្នាក់ ដោយប្រើប្រាស់បច្ចេកទេសឆ្លុះផ្លូវទឹកនោម (Endoscopic Procedure) ប្រកបដោយសុវត្ថិភាព និងប្រសិទ្ធភាព។ បើតាមមន្ទីរពេទ្យ អ្នកជំងឺបានអញ្ជើញមកពិនិត្យ បន្ទាប់ពីមានអាការៈឈឺចាប់ ពិបាកនោម និងមានឈាមក្នុងទឹកនោម ក្រោយពេលបានចុះក្នុងទឹកបឹងធម្មជាតិ។ តាមរយៈការពិនិត្យអេកូសាស្ត្រ ក្រុមគ្រូពេទ្យបានប្រទះឃើញសត្វឈ្លើងមានចលនានៅក្នុងប្លោកនោមរបស់អ្នកជំងឺ និងបានធ្វើការចាប់យកចេញដោយជោគជ័យ។ មន្ទីរពេទ្យជាតិ តេជោសន្តិភាព អំពាវនាវដល់ប្រជាពលរដ្ឋទាំងអស់ ឱ្យមានការប្រុងប្រយ័ត្នខ្ពស់ក្នុងការចុះទឹកត្រពាំង ស្ទឹង បឹង ឬប្រភពទឹកធម្មជាតិផ្សេងៗដើម្បីបង្ការ និងកាត់បន្ថយហានិភ័យនៃការចូលរំខានរបស់ពពួកប៉ារ៉ាស៊ីត ឬសត្វល្អិតចូលក្នុងរាងកាយ។