金边发生一起因交通事故引发的民众围堵车辆事件

⭕ ព័ត៌មាន UPDATE❗️ ស្នងការដ្ឋាននគរបាលរាជធានីភ្នំពេញ បញ្ជាក់ពីហេតុការណ៍ដែលម៉ូតូ ប៉ះរថយន្តមួយគ្រឿង នៅថ្មីៗនេះ មានការផ្សព្វផ្សាយតាមបណ្តាញសង្គម ឃើញមានប្រជាពលរដ្ឋដេញនិងគប់ទៅលើរថយន្ត១គ្រឿង នៅក្នុងសង្កាត់ស្រះចក ខណ្ឌដូនពេញ ខណៈមានប្រជាពលរដ្ឋដើរលេងកម្សាន្ត នគរសង្រ្កាន្តវត្តភ្នំ។ ចំពោះហេតុការណ៍នេះ គឺនៅវេលាម៉ោង ០៧:៣០នាទីយប់ថ្ងៃទី១៦ ខែមេសា ឆ្នាំ២០២៦ នៅលើកំណាត់ផ្លូវ៩០ សង្កាត់ស្រះចក ខណ្ឌដូនពេញ រាជធានីភ្នំពេញមានករណីគ្រោះថ្នាក់ចរាចរណ៍មួយកើតឡើង រវាងរថយន្ត១គ្រឿងម៉ាក AVATAR 07 ស៊េរីឆ្នាំ២០២៥ ពណ៌ខ្មៅ ជាមួយនឹងម៉ូតូ១គ្រឿង ។ ក្រោយកើតហេតុការណ៍សមត្ថកិច្ចនគរបាលនៃអធិការដ្ឋាននគរបាលខណ្ឌដូនពេញ នាំយករថយន្តនិងអ្នកបើករថយន្តមកកាន់មកប៉ុស្តិ៍នគរបាលរដ្ឋបាលស្រះចក ដើម្បីសួរនាំ បានឱ្យដឹងថា មុនពេលកើតហេតុរូបគាត់បានធ្វើដំណើរផ្លូវ៩០ កែងផ្លូវស៊ីសុវត្ថិ ហើយបត់ចូលផ្លូវ៩០ ក្នុងទិសដៅពីកើតទៅលិច ហើយក៏ស្ទះចរាចរណ៍ ខណៈនោះក៏មានម៉ូតូ១គ្រឿងម៉ាកហុងដាសេ១២៥បានបើកប៉ះរថយន្តខ្លួន ពីក្រោយ ហើយគាត់ក៏ចុះទៅមើលរថយន្ត ដើម្បីសួរនាំប៉ុន្តែពេលនោះម្ចាស់ម៉ូតូមិនឆ្លើយតបជាមួយម្ចាស់រថយន្តនោះទេ ហើយអ្នកបើករថយន្តខឹងក៏រុញម៉ូតូផ្តួល បន្ទាប់មកក៏ឡើងរថយន្តបើកចេញ ភ្លាមៗនោះម្ចាស់ម៉ូតូក៏ស្រែករត់ដេញតាមពីក្រោយ រំពេចនោះផងដែរ ប្រជាពលរដ្ឋមានការយល់ច្រឡំស្មានថារថយន្តបុកម៉ូតូ ហើយបើករត់ ក៏នាំគ្នាដេញតាម និងយកដុំថ្មគប់រថយន្ត បង្កឱ្យខូចខាតផ្នែកខាងមុខនិងក្រោយ ដោយឡែកសមត្ថកិច្ច ទទួលបានព័ត៌មានក៏ចុះអន្តរាគមន៍ ក៏នាំយករថយន្តនិងអ្នកបើកបរ យកមកកន្លែងសមត្ថកិច្ច បញ្ចៀសកុំឱ្យកើតមានអំពើហិង្សាកើតឡើង។ ចំពោះករណីនេះសមត្ថកិច្ចបាននឹងកំពុងបន្តស្រាវជ្រាវស្វែងរកភាគីម្ខាងទៀតដើម្បីសាកសួរ ៕ ✦** . 　⁺ 　 . **✦** . 　⁺ 　 . **✦** . 　⁺ 　 . **✦** . 　⁺ 　 . **✦** . ** 👉🏻នាំមកជូនដោយ**: “**រាជសីហ៍**” **ហាងនៃពិភពសម្ភារៈវាយសីដ៏សម្បូរបែប** **រួមមានយីហោ** YONEX, VICTOR & LINING**❗🏸🎾 👉🏻**Telegram : ****https://t.me/reachseibadminton**