金边警方严查校车及工人通勤车 违规车辆将面临重罚

ស្នងការនគរបាលភ្នំពេញ បញ្ជាឱ្យរឹតបន្តឹងត្រួតពិនិត្យរថយន្តដឹកកម្មករ និងសិស្ស ក្រោយគ្រោះថ្នាក់ចរាចរណ៍ស្លា.ប់១៤នាក់ របួសជាង៩០នាក់ ភ្នំពេញ៖ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានដាក់បទបញ្ជាដល់នគរបាលជំនាញ និងអធិការនគរបាលខណ្ឌទាំង១៤ ឱ្យចុះពង្រឹងការត្រួតពិនិត្យ និងផ្សព្វផ្សាយអប់រំណែនាំលើរថយន្តធំៗ ដែលដឹកសិស្សានុសិស្ស និងកម្មករ-កម្មការនី ក្នុងគោលបំណងបង្ការហានិភ័យ និងបញ្ចៀសគ្រោះថ្នាក់ចរាចរណ៍ដែលអាចកើតឡើងជាយថាហេតុ។ ការដាក់បទបញ្ជានេះ ធ្វើឡើងបន្ទាប់ពីនៅព្រឹកថ្ងៃទី២៣ ខែឧសភា ឆ្នាំ២០២៦ មានគ្រោះថ្នាក់ចរាចរណ៍ធ្ងន់ធ្ងរចំនួន២ករណី បានកើតឡើងនៅស្រុកកំពង់ត្រឡាច ខេត្តកំពង់ឆ្នាំង និងក្រុងស្វាយរៀង ខេត្តស្វាយរៀង ដោយរថយន្តដឹកកម្មករចំនួន២គ្រឿង បានជួបឧបទ្ទវហេតុ បណ្តាលឱ្យមនុស្សស្លាប់១៤នាក់ និងរបួស៩៣នាក់ ដែលក្នុងនោះរបួសធ្ងន់១៥នាក់។