印尼移民局代表团访问德崇国际机场，与柬埔寨移民总局官员交流边

នាព្រឹកថ្ងៃចន្ទ ១៥កើត ខែអស្សុជ ឆ្នាំមមី អដ្ឋស័ក ព.ស២៥៧០ ត្រូវនឹងថ្ងៃទី២៦ ខែតុលា ឆ្នាំ២០២៦នេះ លោកឧត្តមសេនីយ៍ត្រី សុខ ធា នាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ បានអញ្ជើញទទួលបដិសណ្ឋាកិច្ច ឯកឧត្តម អាំងហ្គៀត ណាពីទូពូលូ (Anggiat Napitupulu) ទីប្រឹក្សាក្រសួងអន្តោប្រវេសន៍ និងអប់រំកែប្រែនៃសាធារណរដ្ឋឥណ្ឌូនេស៊ី និងជាប្រធានគណៈប្រតិភូឥណ្ឌូនេស៊ី ដឹកនាំគណៈប្រតិភូអគ្គនាយកដ្ឋានអន្តោប្រវេសន៍ឥណ្ឌូនេស៊ី អញ្ជើញមកធ្វើទស្សនកិច្ចនៅប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ ក្រោមអធិបតីភាព ឯកឧត្តម ឧត្តមសេនីយ៍ឯក ឡុង ហាបាណា អគ្គនាយករងអន្តោប្រវេសន៍ តំណាងដ៏ខ្ពង់ខ្ពស់ឯកឧត្តម ឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍ នៅអាកាសយានដ្ឋានអន្តរជាតិតេជោ។ នៅក្នុងឱកាសនោះ លោកឧត្តមសេនីយ៍ត្រី សុខ ធា នាយប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ បានធ្វើបទបង្ហាញសង្ខេប ស្តីពីទិដ្ឋភាពទូទៅនៃការគ្រប់គ្រង និងវឌ្ឍនភាពការងាររយៈពេល៩ខែ ដើមឆ្នាំ២០២៦ ជូនគណៈប្រតិភូ និងសមាជិកគណៈប្រតិភូ អគ្គនាយកដ្ឋានអន្តោប្រវេសន៍ឥណ្ឌូនេស៊ី ទាំងអស់ ។ លោកឧត្តមសេនីយ៍ត្រី សុខ ធា ក៏បានថ្លែងអំណរគុណយ៉ាងជ្រាលជ្រៅចំពោះ ឯកឧត្តម ប្រធានគណៈប្រតិភូ ព្រមទាំងសមាជិកគណៈប្រតិភូទាំងអស់ ដែលបានចំណាយពេលវេលាដ៏មានតម្លៃអញ្ជើញមកទស្សនកិច្ចដោយផ្ទាល់នៅអាកាសយានដ្ឋានអន្តរជាតិតេជោ ។ គណៈប្រតិភូអគ្គនាយកដ្ឋានអន្តោប្រវេសន៍ឥណ្ឌូនេស៊ី នឹងអញ្ជើញចូលរួមកិច្ចប្រជុំទ្វេភាគីលើកទី៣ រវាងអគ្គនាយកដ្ឋានអន្តោប្រវេសន៍ ក្រសួងមហាផ្ទៃ នៃព្រះរាជាណាចក្រកម្ពុជា និងអគ្គនាយកដ្ឋានអន្តោប្រវេសន៍ ក្រសួងអន្តោប្រវេសន៍ និងអប់រំកែប្រែ នៃសាធារណរដ្ឋឥណ្ឌូនេស៊ី នៅថ្ងៃទី២៧ ខែតុលា ឆ្នាំ២០២៦ នៅទីស្តីការក្រសួងមហាផ្ទៃ៕ ✅ប៉ុស្តិ៍នគរបាលច្រកទ្វារអាកាសយានដ្ឋានអន្តរជាតិតេជោ ☎️ទំនាក់ទំនង 0188200300 👉Telegram Chanel : https://t.me/kticheckpoint 🗺 ទីតាំង (Map) : https://maps.app.goo.gl/HWxU68PC8A1wvTsR7?g_st=ipc