洛肯女士在“模拟议会”活动中寄语青年，鼓励培养正直的领导力

[来源: 柬埔寨国家电视台] [分类提示: NEWS] 标题: លោកជំទាវ ឡោក ខេង ផ្តល់អនុសាសន៍គន្លឹះ ជំរុញឱ្យយុវជនក្នុងកម្មវិធី «សភាត្រាប់» ក្លាយជាអ្នកដឹកនាំបម្រើជាតិដោយសុចរិតភាព ក្នុងឱកាសអញ្ជើញថ្លែងសុន្ទរកថាស្វាគមន៍ក្នុងពិធីបើកកម្មវិធី «សភាត្រាប់» នាព្រឹកថ្ងៃទី២១ ខែមេសា ឆ្នាំ២០២៦ លោកជំទាវ ឡោក ខេង ប្រធានគណៈកម្មការទី៨ នៃរដ្ឋសភា និងជាប្រធានក្រុមសភាជាតិកម្ពុជានៃអ្នកនយោបាយសភាស្ត្រី បានចែករំលែកនូវអនុសាសន៍គន្លឹះសំខាន់ៗ ដើម្បីតម្រង់ទិសបេក្ខជន បេក្ខនារី ឱ្យក្លាយជាអ្នកដឹកនាំបន្តវេនប្រកបដោយសមត្ថភាព និងការទទួលខុសត្រូវខ្ពស់ចំពោះជាតិមាតុភូមិ។ ថ្លែងទៅកាន់ក្រុមយុវជននាឱកាសនោះ លោកជំទាវបានសង្កត់ធ្ងន់ថា ភាពជាអ្នកដឹកនាំពិតប្រាកដ មិនមែនស្ថិតលើត្រឹមតែវោហារសាស្ត្រ ឬការនិយាយតែមួយមុខនោះទេ ប៉ុន្តែគឺជាសមត្ថភាពនៃការធ្វើសេចក្តីសម្រេចចិត្តដែលប៉ះពាល់ដល់វាសនា និងសុខទុក្ខរបស់ប្រជាពលរដ្ឋគ្រប់ស្រទាប់វណ្ណៈ។ លោកជំទាវបានលើកទឹកចិត្តឱ្យយុវជនទាំងអស់ ប្រើប្រាស់វេទិកាសភាត្រាប់នេះ ដើម្បីស្វែងយល់ឱ្យបានល្អិតល្អន់នូវតួនាទី និងរចនាសម្ព័ន្ធរដ្ឋសភា តាមរយៈការត្រងត្រាប់ស្តាប់ ការកត់ត្រា និងការសួរសំណួរដោយគ្មានភាពអៀនខ្មាស ដើម្បីកសាងមូលដ្ឋានគ្រឹះនៃចំណេះដឹង និងភាពជាអ្នកដឹកនាំតាំងពីវ័យក្មេង។ ជាមួយគ្នានេះ លោកជំទាវបានរំលឹកដល់បេក្ខជនទាំងអស់ ឱ្យតាំងខ្លួនជាសមាជិកសភាដែលតំណាងឱ្យម្ចាស់ឆ្នោតពិតប្រាកដ ដោយត្រូវចេះថ្លឹងថ្លែងបញ្ហាប្រឈម និងស្ថានភាពជាក់ស្តែង ដើម្បីស្វែងរកដំណោះស្រាយសមស្រប ឬដំណោះស្រាយ «ឈ្នះ-ឈ្នះ» សម្រាប់សង្គមជាតិ។ បន្ថែមលើនេះ លោកជំទាវក៏បានជំរុញឱ្យយុវជន ក្លាយជាបុរសឈានមុខក្នុងការលើកកម្ពស់ «សមភាពយេនឌ័រ» តាមរយៈការផ្តល់តម្លៃ និងការគោរពគ្នាទៅវិញទៅមកក្នុងនាមជាដៃគូការងារដ៏ល្អ។ លោកជំទាវក៏សង្ឃឹមយ៉ាងមុតមាំថា ក្រោយបញ្ចប់កម្មវិធីនេះ យុវជននឹងនាំយកបទពិសោធន៍ទៅចែករំលែកបន្តដល់មិត្តភក្តិ ដើម្បីជំរុញទឹកចិត្ត