柬埔寨计划部近期完成公务员招聘考试，副总理洪玛尼亲自前往现场

ឯកឧត្តមឧបនាយករដ្ឋមន្ត្រី ហ៊ុន ម៉ានី ពិនិត្យ និងសម្រេចចុងក្រោយលើលទ្ធផលប្រឡងក្រសួងផែនការ រយៈពេលពេញមួយថ្ងៃ ដំណើរការប្រឡងប្រជែងជ្រើសរើសមន្ត្រីផ្អែកលើកិច្ចព្រមព្រៀងការងារ សម្រាប់វិទ្យាស្ថានជាតិស្ថិតិ នៃក្រសួងផែនការ លើវិញ្ញាសាសួរផ្ទាល់មាត់ បានបញ្ចប់ទៅដោយជោគជ័យគួរជាទីមោទនៈ។ ខណៈនេះ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មការរៀបចំការប្រឡងប្រជែង កំពុងមានវត្តមាននៅក្នុងមណ្ឌលប្រឡងសាលាភូមិន្ទរដ្ឋបាល ដើម្បីអញ្ជើញពិនិត្យ និងចុះហត្ថលេខាលើលទ្ធផលប្រឡងដោយផ្ទាល់។ ទន្ទឹមនឹងនេះ គណៈកម្មការរៀបចំការប្រឡងប្រជែង សូមថ្លែងអំណរគុណយ៉ាងជ្រាលជ្រៅចំពោះគ្រប់ភាគីពាក់ព័ន្ធទាំងអស់ រួមមានអនុគណៈកម្មការនានាគ្រប់លំដាប់ថ្នាក់ ជាពិសេសអង្គភាពប្រឆាំងអំពើពុករលួយ (ACU) និងអ្នកសង្កេតការណ៍ទាំងអស់ ដែលបានលះបង់កម្លាំងកាយចិត្ត ចូលរួមសហការ និងបំពេញភារកិច្ចយ៉ាងសកម្ម ស្វិតស្វាញ រហូតឈានទៅសម្រេចបាននូវលទ្ធផលផ្លូវការ ជូនដល់បេក្ខជនទាំងអស់ ដែលកំពុងទន្ទឹងរង់ចាំបានយ៉ាងឆាប់រហ័ស ស្របតាមគោលការណ៍ «ជាប់ដោយមោទនៈ ធ្លាក់ដោយអស់ចិត្ត»។ សូមតាមដានរាល់ការផ្សព្វផ្សាយនៅលើបណ្តាញផ្លូវការរបស់ក្រសួងមុខងារសាធារណៈ តាមតំណភ្ជាប់ខាងក្រោម៖ 📱បណ្តាញផ្សព្វផ្សាយឈ្មោះ «ក្រសួងមុខងារសាធារណៈ» ១.Telegram https://t.me/mcsgovkh ២.Facebook https://www.facebook.com/CivilServiceCambodia 📱បណ្តាញផ្សព្វផ្សាយឈ្មោះ «ព័ត៌មានមុខងារសាធារណៈ» ១.Telegram https://t.me/CivilServiceNews31 ២.Facebook https://www.facebook.com/Civil.Service.New