实居省普农斯罗县雷击事故致3死2伤 提醒雨季防雷

ភ្លៀងមួយមេធំរន្ទះបាញ់ បណ្តាលឱ្យមនុស្ស ៣នាក់ស្លាប់ និងរបួសធ្ងន់ ២នាក់ នៅខេត្តកំពង់ស្ពឺ ខណៈកំពុងភ្ជួរស្រែ និងខ្លះទៀតអង្គុយក្រោមដើមឈើ   កំពង់ស្ពឺ៖ ភ្លៀងមួយមេធំលាយឡំផ្គររន្ទះ បានបាញ់ចំមនុស្សចំនួន ៥នាក់ ក្នុងពេលតែមួយនៅចំណុចវាលស្រែស្ថិតនៅភូមិព្រៃឬស្សី ឃុំជាំសង្កែ ស្រុកភ្នំស្រួច ខេត្តកំពង់ស្ពឺ រសៀលម៉ោង១៣និង០០នាទី ខណៈជនរងគ្រោះទាំង ៥នាក់ កំពុងភ្ជួរស្រែ និងខ្លះទៀតអង្គុយរង់ចាំក្រោមដើមឈើ។ តាមរបាយការណ៍សមត្ថកិច្ចនគរបាលមូលដ្ឋាន បានឱ្យដឹងថា នៅថ្ងៃទី៧ ខែមិថុនានេះ មានភ្លៀងលាយឡំ និងផ្គររន្ទះបាញ់មនុស្ស ក្នុងនោះមានស្លាប់ចំនួន ៣នាក់ ស្រី១នាក់ និងរបួសធ្ងន់ចំនួន២នាក់។ ជនរងគ្រោះទាំង៥នាក់នេះ រស់នៅភូមិព្រៃឫស្សី ឃុំជាំសង្កែ ស្រុកភ្នំស្រួច ចំពោះអ្នករបួសត្រូវបានសាច់ញាតិបញ្ជូនទៅព្យាបាលនៅមន្ទីរពេទ្យ៕