经济与财政部持续推广FMIS系统升级，覆盖更多地方行政单位，

[来源: 柬埔寨国家电视台] [分类提示: NEWS] 标题: ក្រសួងសេដ្ឋកិច្ច និង ហិរញ្ញវត្ថុ បន្តយុទ្ធនាការ បញ្ជ្រាបការយល់ដឹងស្ដីពីការប្រើប្រាស់មុខងារស្នូល FMIS និង FMIS Portal ជំនាន់ថ្មី ជូនថ្នាក់ដឹកនាំ និង មន្រ្តីជំនាញ នៃរដ្ឋបាលស្រុក និង អង្គភាពពាក់ព័ន្ធ រដ្ឋបាលស្រុកចំនួន ១១៥ បន្ថែមទៀត និង អង្គភាពពាក់ព័ន្ធ ទទួលបានបទពិសោធន៍ថ្មី ក្នុងការត្រៀមខ្លួនផ្លាស់ប្តូរពីការប្រើប្រាស់ FMIS Portal ជំនាន់ទី១ ទៅអនុវត្តមុខងារស្នូល FMIS រួមជាមួយនឹង FMIS Portal ជំនាន់ថ្មី ដើម្បីពង្រឹងប្រសិទ្ធភាព និង ស័ក្តិសិទ្ធភាព នៃប្រតិបត្តិការគ្រប់គ្រងហិរញ្ញវត្ថុសាធារណៈនៅថ្នាក់ក្រោមជាតិ ។ នេះ ជាការបញ្ជាក់ជូនដោយ ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ និង ជាប្រធានក្រុមការងារគ្រប់គ្រងគម្រោង FMIS នៅក្នុងកម្មវិធី “បញ្ជ្រាបការយល់ដឹង ស្ដីពីការប្រើប្រាស់មុខងារស្នូល FMIS និង FMIS Portal ជំនាន់ថ្មី ជូនថ្នាក់ដឹកនាំ និង មន្រ្តីជំនាញនៃរដ្ឋបាលស្រុក និង អង្គភាពពាក់ព័ន្ធ” ។ ការបន្តដាក់ឱ្យប្រើប្រាស់មុខងារស្នូល FMIS និង FMIS Portal ជំនាន់ថ្មី ទៅកាន់រដ្ឋបាលស្រុកដែលនៅសេសសល់ទាំងអស់ នាពេលនេះ គឺ ស្របទៅតាម “ផែនការពង្រីកការអនុវត្តគម្រោង FMIS ជំហានទី៤ ឆ្នាំ២០២៦-២០៣០” ដើម្បីជួយដល់ថ្នាក់មូលដ្ឋាន ជាពិសេសនៅថ្នាក់ស្រុក ក្នុងការពង្រឹងអភិបាលកិច្ចល្អ ការគ្រប់គ្រងរដ្ឋបាលបានកាន់តែប្រសើរ ពន្លឿនការអនុវត្តគម្រោងអភិវឌ្ឍនានា ដោយមិនមានការរាំងស្ទះដោយសារបញ្ហាថវិកា ចំណែកឯការផ្ដល់សេវាសាធារណៈជូនប្រជាពលរដ្ឋ បានកាន់តែប្រសើរឡើង ហើយវិន័យនៃការអនុវត្តថវិកា ក៏កាន់តែត្រូវបានពង្រឹង និង ជាចុងក្រោយ គឺទទួលបានការជឿជាក់ពីប្រជាពលរដ្ឋ ។ ឯកឧត្តមបណ្ឌិតសភាចារ្យ បានគូសបញ្ជាក់ថា ការប្រើប្រាស់មុខងារស្នូល FMIS រួមជាមួយ FMIS Portal ជំនាន់ថ្មី នឹងរួមចំណែកដល់ការបង្កើនភាពជាម្ចាស់នៃប្រតិបត្តិក