柬中刑事司法协助条约磋商启动 旨在强化跨国犯罪打击效率

ឯកឧត្តម នាក់ សើគីរីន រដ្ឋលេខាធិការក្រសួងយុត្តិធម៌ បានដឹកនាំក្រុមការងារជួបប្រជុំចរចាតាមរយៈប្រព័ន្ធអនឡាញជាមួយនឹងភាគីចិនលើសេចក្ដីព្រាងសន្ធិសញ្ញា ស្ដីពីការជួយគ្នាទៅវិញទៅមកផ្នែកច្បាប់ក្នុងវិស័យព្រហ្មទណ្ឌ រវាងព្រះរាជាណាចក្រកម្ពុជា និងសាធារណដ្ឋប្រជាមានិតចិន ================== នាព្រឹកថ្ងៃពុធ ១២រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៣ ខែឧសភា ឆ្នាំ២០២៦ ឯកឧត្តម នាក់ សើគីរីន រដ្ឋលេខាធិការក្រសួងយុត្តិធម៌ បានដឹកនាំក្រុមការងារជួបប្រជុំចរចាតាមរយៈប្រព័ន្ធអនឡាញជាមួយនឹងភាគីចិន លើសេចក្ដីព្រាងសន្ធិសញ្ញាស្ដីពីការជួយគ្នាទៅវិញទៅមកផ្នែកច្បាប់ក្នុងវិស័យព្រហ្មទណ្ឌ រវាងព្រះរាជាណាចក្រកម្ពុជា និងសាធារណដ្ឋប្រជាមានិតចិន នៅទីស្ដីការក្រសួងយុត្តិធម៌។ សេចក្តីព្រាងសន្ធិសញ្ញានេះ ត្រូវបានបង្កើតឡើងក្នុងគោលបំណងពង្រឹងកិច្ចសហប្រតិបត្តិការផ្នែកច្បាប់រវាងប្រទេសទាំងពីរ និងដើម្បីបង្កើតបាននូវក្របខណ្ឌគតិយុត្តមួយដែលនឹងជួយសម្រួលដល់ការអនុវត្តសំណើសុំការជួយគ្នាទៅវិញទៅមកផ្នែកច្បាប់ក្នុងវិស័យព្រហ្មទណ្ឌ ប្រកបដោយប្រសិទ្ធភាព និងភាពឆាប់រហ័ស។