干拉省卫生厅调查西特波卫生中心医疗违规指控

មន្ទីរសុខាភិបាលខេត្តកណ្តាល បានបញ្ជាក់ថា ខ្លួនកំពុងស្រាវជ្រាវករណីសកម្មភាពផ្តល់ការសង្គ្រោះបឋមដល់អ្នកជំងឺស្រីអាយុ ១៧ឆ្នាំ ដោយបុគ្គលិកសុខាភិបាលបម្រើការងារនៅមណ្ឌលសុខភាពសិត្បូ បន្ទាប់ពីមានការរិះគន់លើបណ្តាញសង្គមថា ការផ្តល់សេវានោះ «មិនត្រឹមត្រូវតាមបច្ចេកទេសវេជ្ជសាស្ត្រ»។ ក្រោយទទួលព័ត៌មានភ្លាម មន្ទីរសុខាភិបាលខេត្តបានចាត់តាំងក្រុមការងារជំនាញ សហការជាមួយគណៈគិលានុបដ្ឋាក ចុះស្រាវជ្រាវ និងពិនិត្យករណីនេះយ៉ាងយកចិត្តទុកដាក់។ មន្ទីរសុខាភិបាលបានបញ្ជាក់ថា ប្រសិនបើរកឃើញថា ការផ្តល់ការសង្គ្រោះបឋមពិតជាបានប៉ះពាល់ដល់កិត្តិយស និងសេចក្តីថ្លៃថ្នូររបស់អ្នកជំងឺស្រី នឹងចាត់វិធានការតាមបទដ្ឋានគតិយុត្តិជាធរមាន។