柬埔寨司法部启动第七阶段法律合作 获日本JICA技术支持

ឯកឧត្តមបណ្ឌិត ជិន ម៉ាលីន រដ្ឋមន្រ្តីស្តីទីនៃក្រសួងយុត្តិធម៌ បានអញ្ជើញដឹកនាំសហការីការពារគម្រោងអភិវឌ្ឍន៍វិស័យច្បាប់ និងយុត្តិធម៌ជំហានទី៧ ស្តីពី “ការធ្វើវិសោធនកម្មក្រមនីតិវិធីរដ្ឋប្បវេណី និងវិសោធនកម្មក្រមរដ្ឋប្បវេណី ព្រមទាំងការអភិវឌ្ឍន៍សមត្ថភាមន្រ្តីវិជ្ជាជីវៈផ្នែកច្បាប់ និងតុលាការ” គាំទ្រដោយរាជរដ្ឋាភិបាលជប៉ុន និង Jica នៅទីស្តីការក្រុមប្រឹក្សាអភិវឌ្ឍន៍កម្ពុជា ==================== នារសៀលថ្ងៃព្រហស្បតិ៍ ៣រោច ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២ ខែកក្កដា ឆ្នាំ២០២៦ ឯកឧត្តមបណ្ឌិត ជិន ម៉ាលីន រដ្ឋមន្រ្តីស្តីទីនៃក្រសួងយុត្តិធម៌ និងជាប្រធានគម្រោង បានអញ្ជើញដឹកនាំសហការីការពារគម្រោងអភិវឌ្ឍន៍វិស័យច្បាប់ និងយុត្តិធម៌ជំហានទី៧ ស្តីពី “ការធ្វើវិសោធនកម្មក្រមនីតិវិធីរដ្ឋប្បវេណី និងវិសោធនកម្មក្រមរដ្ឋប្បវេណី ព្រមទាំងការអភិវឌ្ឍន៍សមត្ថភាពសមន្រ្តីវិជ្ជាជីវៈផ្នែកច្បាប់ និងតុលាការ” គាំទ្រដោយរាជរដ្ឋាភិបាលជប៉ុន និង Jica នៅទីស្តីការក្រុមប្រឹក្សាអភិវឌ្ឍន៍កម្ពុជា (CDC)។ កិច្ចពិភាក្សានេះ មានការអញ្ជើញចូលរួមដោយ ឯកឧត្តម កេង សុម៉ារិទ្ធ រដ្ឋលេខាធិការនៃក្រសួងយុត្តិធម៌ និងជាអ្នកដឹកនាំគម្រោងផងដែរ។ ក្នុងកិច្ចពិភាក្សា ថ្នាក់ដឹកនាំបានរំលេចអំពីគោលបំណងនិងសារៈសំខាន់នៃគម្រោង ព្រមទាំងថ្លែងអំណរគុណចំពោះរដ្ឋាភិបាលជប៉ុន ក៏ដូចជាទីភ្នាក់ងារ JICA ដែលបានដើរតួនាទីយ៉ាងសំខាន់ក្នុងការជួយជ្រោមជ្រែងនិងគាំទ្រគម្រោងអភិវឌ្ឍន៍វិស័យច្បាប់ និងយុត្តិធម៌ តាំងពីជំហានទី១រហូតដល់ជំហានទី៦ នាពេលបច្ចុប្បន្ន ដែលមានរយៈពេលជាង ២០ ឆ្នាំមកនេះ ក្នុងការបង្កើតនិងដាក់ឱ្យអនុវត្តក្រមរដ្ឋប្បវេណី** **និងក្រមនីតិវិធីរដ្ឋប្បវេណី ព្រមទាំងបានធ្វើការផ្សព្វផ្សាយ និងបណ្តុះបណ្តាលពង្រឹងសមត្ថភាពមន្រ្តីអនុវត្តច្បាប់កម្ពុជាផងដែរ។ ក្នុងក្របខណ្ឌនៃកិច្ចសហប្រតិបត្តិការជាបន្តបន្ទាប់នេះ ទីភ្នាក់ងារ JICA និង CDC បានឯកភាពជ្រើសរើសគម្រោងថ្មីជំហានទី៧ ស្នើដោយក្រសួងយុត្តិធម៌ ស្តីពី “ការធ្វើវិសោធនកម្មក្រមនីតិវិធីរដ្ឋប្បវេណី** **និងវិសោធនកម្មក្រមរដ្ឋប្បវេណី** **ព្រមទាំងការអភិវឌ្ឍន៍សមត្ថភាពមន្រ្តីវិជ្ជាជីវៈផ្នែកច្បាប់** **និងតុលាការ” សម្រាប់រយៈពេល៥ឆ្នាំបន្ទាប់ ដើម្បីធ្វើការពិនិត្យពិភាក្សនិងស្នើសុំកិច្ចគាំទ្រនិងសហប្រតិបត្តិការបច្ចេកទេស ពីរដ្ឋាភិបាលជប៉ុនសម្រាប់ឆ្នាំសារពើពន្ធ ២០២៧ ខាងមុខនេះ។