磅湛省警官在处理斗殴事件时遭利器袭击 嫌疑人已被当场逮捕

រន្ធត់ណាស់...! លោកវរសេនីយ៍ទោ ម៉ាត់ សុផាត ឋានៈ អធិការរងទទួលផែនការងារប្រឆាំងគ្រឿងញៀន នៃអធិការដ្ឋាននគរបាលស្រុកស្ទឹងត្រង់ ត្រូវជនដៃដល់យកឧបករណ៍មុតស្រួច ចាក់ត្រូវចំខ្ទង់ច្រមុះក្បែរភ្នែកខាងស្តាំចំនួន០២កន្លែង ខណៈដែលលោកបានទៅអន្តរាគមន៍ក្នុងករណីហិង្សាក្មេងស្ទាវវាយប្រតាយប្រតប់គ្នា ក្នុងអំឡុងពេលប្រគុំតន្ត្រីប្រដាល់គុនខ្មែរ បណ្ដាលឲ្យរងរបួសធ្ងន់ធ្ងរ បណ្តាលឱ្យដួលសន្លប់ភ្លាមៗនៅកន្លែងកើតហេតុ រីឯជនសង្ស័យខាងលើ ត្រូវបានសមត្ថកិច្ចយើងបង្ក្រាប ឃាត់ខ្លួននៅកន្លែងកើតហេតុភ្លាមៗ និងនាំខ្លួនជនសង្ស័យមកសាកសួរ នៅអធិការដ្ឋាននគរបាលស្រុក ស្ទឹងត្រង់ ដើម្បីកសាងសំណុំរឿងតាមនីតិវិធី។ ហេតុការណ៍នេះបានកើតឡើងនៅវេលាម៉ោង ១១:០៥នាទីយប់ថ្ងៃទី២៤ ខែមេសា ឆ្នាំ២០២៦ នៅភូមិបឹងដែង១ ឃុំព្រែកកក់ ស្រុកស្ទឹងត្រង់ ខេត្តកំពង់ចាម ។