卫生部召开会议 审议2026-2030国家健康战略

កិច្ចប្រជុំលើកទី២ ដើម្បីពិនិត្យនូវការផ្តល់ធាតុចូល និងមតិយោបល់ ទៅលើការកែសម្រួលបញ្ចប់យុទ្ធសាស្ត្រជាតិសុខភាពតែមួយសម្រាប់កម្ពុជា ឆ្នាំ២០២៦-២០៣០។ —— រាជធានីភ្នំពេញ៖ នារសៀលថ្ងៃសុក្រ ទី១១ ខែកញ្ញា ឆ្នាំ២០២៦ លោកជំទាវវេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល និងជាប្រធានគណៈកម្មការអន្តរក្រសួងសម្រាប់សម្របសម្រួលសុខភាពតែមួយ (IMCC-OH) បានដឹកនាំកិច្ចប្រជុំលើកទី២ ដើម្បីពិនិត្យនូវការផ្តល់ធាតុចូល និងមតិយោបល់ ទៅលើការកែសម្រួលបញ្ចប់យុទ្ធសាស្ត្រជាតិសុខភាពតែមួយសម្រាប់កម្ពុជា ឆ្នាំ២០២៦-២០៣០។ គោលបំណងអង្គប្រជុំ ដើម្បីពិនិត្យមើលទៅលើការផ្តល់មតិយោបល់ និងកែសម្រួល បន្ទាប់ពីកិច្ចប្រជុំលើកទី១ ក្នុងការពិភាក្សា និងសម្រេចចុងក្រោយ ដើម្បីធានាបាន នូវការផ្តល់ធាតុចូលបានពេញលេញ ទៅលើយុទ្ធសាស្ត្រជាតិសុខភាពតែមួយសម្រាប់កម្ពុជា ឆ្នាំ២០២៦-២០៣០។ ជារួម អង្គប្រជុំបានពិនិត្យ និងឯកភាពនូវចំណុចសំខាន់ៗដែលទទួលបាន។ ក្នុងនេះដែរ លោកជំទាវរដ្ឋលេខាធិការ និងជាប្រធាន IMCC-OH បានកោតសរសើរ​ និងថ្លែងអំណរគុណគ្រប់បណ្តាស្ថាប័នពាក់ព័ន្ធ អង្គការដៃគូ ក្នុងការចូលរួមផ្តល់ធាតុចូលសំខាន់ៗ ដើម្បីជួយបំពេញបន្ថែមឱ្យយុទ្ធសាស្ត្រជាតិសុខភាពតែមួយសម្រាប់កម្ពុជា ឆ្នាំ២០២៦-២០៣០ ទទួលបានលក្ខណៈគ្រប់ជ្រុងជ្រោយ។ កិច្ចប្រជុំនេះនេះ មានការអញ្ជើញចូលរួមពីសំណាក់ ឯកឧត្តមវេជ្ជបណ្ឌិត ហុក គឹមចេង អគ្គនាយកបច្ចេកទេសសុខាភិបាល និងជាប្រធានលេខាធិការដ្ឋាន នៃគណៈកម្មការអន្តរក្រសួងសម្រាប់សម្របសម្រួលសុខភាពតែមួយ លោក​ លោកស្រី តំណាងនាយកដ្ឋានប្រយុទ្ធនឹងជំងឺឆ្លង តំណាងអង្គការសុខភាពពិភពលោក និងក្រុមការងារពាក់ព័ន្ធ។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter)](https://x.com/MohCambodia) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)