洪玛奈总理下令严厉打击网络诈骗，绝不姑息

សម្តេច​ ហ៊ុន​ ម៉ាណែត​ ដាក់បទបញ្ជាឱ្យសមត្ថកិច្ច និងកងកម្លាំងពាក់ព័ន្ធបន្តបង្ក្រាប​ Scam Online​ កុំបង្អង់ដៃ សម្តេចនាយករដ្ឋមន្ត្រី ហ៊ុន​ ម៉ាណែត​ បានដាក់បទបញ្ជាយ៉ាងម៉ឺងម៉ាត់បំផុតឱ្យសមត្ថកិច្ច និងកងកម្លាំងពាក់ព័ន្ធទាំងអស់ បន្តការបង្ក្រាបបទល្មើស​ ឆបោកតាមប្រព័ន្ធបច្ចេកវិទ្យា​ កុំបង្អង់ដៃឡើយ។ បទបញ្ជាជាថ្មីរបស់ប្រមុខរាជរដ្ឋាភិបាល​ គឺធ្វេីឡេីងក្នុងកិច្ចប្រជុំពេញអង្គគណៈរដ្ឋមន្ត្រី​ នៅថ្ងៃទី២៣​ ខែមេសានេះ​។ អង្គភាពអ្នកនាំពាក្យរាជរដ្ឋភិបាល​ បញ្ជាក់ដូច្នេះ​ ដោយស្រង់ប្រសាសន៍របស់​ សម្តេច​ ហ៊ុន​ ម៉ាណែត​ មកបន្ថែមដូច្នេះ៖​ «ច្បាប់មានហើយ ដូច្នេះត្រូវតែអនុវត្តឱ្យបានម៉ត់ចត់ និងឱ្យមានប្រសិទ្ធភាពដោយមិនបន្ធូរដៃ និងដោយគ្មានការលើកលែងឡើយ ពោលគឺមិនបញ្ឈប់ត្រឹមពិធីបុណ្យចូលឆ្នាំខ្មែរ ប្រពៃណីជាតិនេះ ដូចដែលមានមតិមួយចំនួនបានលើកឡើងនោះឡើយ»។ ទន្ទឹមនឹងនេះ សម្តេច ក៏មិនភ្លេចបានកោតសរសើរ ចំពោះកិច្ចខិតខំរបស់អាជ្ញាធរមានសមត្ថកិច្ច និងកងកម្លាំងគ្រប់លំដាប់ថ្នាក់ ដែលបានធ្វើការងារយ៉ាងសកម្ម ក្នុងការបង្ក្រាបការឆបោកតាមប្រព័ន្ធបច្ចេកវិទ្យា (Scam Online) ដោយសម្រេចបានលទ្ធផលធំៗជាច្រើន។