外国武官团赴菩萨省边境考察 柬埔寨重申维护边境和平承诺

ក្រុមអនុព័ន្ធយោធាបរទេសប្រចាំកម្ពុជា បានចុះសង្កេតការណ៍តំបន់អូរភ្លុកដំរី ខេត្តពោធិ៍សាត់ នៅម៉ោង១២ និង៥៤នាទីរសៀលថ្ងៃទី២៨ ខែមេសានេះ ក្រុមអនុព័ន្ធយោធាបរទេស (MACPP) ប្រចាំកម្ពុជា បានចុះសង្កេតការណ៍ តំបន់អូរភ្លុកដំរី នៅខេត្តពោធិ៍សាត់ នៅក្នុងលើកទី២ប្រចាំឆ្នាំ២០២៦របស់ខ្លួន។ ទស្សនកិច្ចនេះ ប្រព្រឹត្តទៅក្រោមការសម្របសម្រួលក្រសួងការពារជាតិកម្ពុជា។ នេះបើតាមលោកស្រី ម៉ាលី សុជាតា អ្នកនាំពាក្យក្រសួងការពារជាតិ។ អ្នកនាំពាក្យរូបនេះ បានស្វាគមន៍ចំពោះបណ្តាប្រទេសជាមិត្ត ដែលមានបំណងចូលរួម ចុះពិនិត្យ និងសង្កេតការណ៍ដោយផ្ទាល់នៅតាមបណ្តោយព្រំដែនកម្ពុជា-ថៃ ដើម្បី តាមដានការអនុវត្តបទឈប់បាញ់ សំដៅធានាឱ្យបាននូវតម្លាភាព ភាពជឿទុកចិត្ត បាន និងភាពត្រឹមត្រូវ។ លោកស្រី ម៉ាលី សុជាតា សង្កត់ធ្ងន់ទៀតថា រាជរដ្ឋាភិបាលនិងក្រសួងការពារជាតិកម្ពុជា នៅតែរក្សាការប្តេជ្ញាចិត្តយ៉ាង​ស្មោះត្រង់ ​គោរពនិងអនុវត្តយ៉ាងពេញលេញ សេចក្តីប្រកាសរួមនៃកិច្ចប្រជុំពិសេសលើកទី៣ នៃគណៈកម្មាធិការព្រំដែនទូទៅកម្ពុជា-ថៃ (GBC) ថ្ងៃទី២៧ ​ធ្នូ ​២០២៥, សេចក្តីថ្លែងការណ៍រួមស្តីពីកិច្ចព្រមព្រៀងសន្តិភាព រវាងកម្ពុជានិងថៃ ថ្ងៃទី២៦ តុលា ២០២៥ និងកិច្ចព្រមព្រៀងពាក់ព័ន្ធផ្សេងទៀត។ រូបភាព៖ ក្រសួងការពារជាតិ