移民总局辟谣入境限制传闻 金边国际机场通行正常

អគ្គនាយកដ្ឋានអន្តោប្រវេសន៍បានច្រានចោលព័ត៌មាន ដែលបានចុះផ្សាយជាភាសាចិន នៅលើបណ្តាញសង្គម We Chat ក្រោមចំណងជើងថា​«អាកាសយានដ្ឋាន​អន្តរជាតិភ្នំពេញបានបិទការចូលប្រទេសទាំងស្រុងជាបណ្តោះអាសន្ន ហើយច្រកព្រំដែនគោកក៏នឹង​ត្រូវរឹត​បន្តឹងខ្លាំងដូចគ្នា ចាប់ពីថ្ងៃទី ២៦ ខែឧសភា ឆ្នាំ២០២៦» ដោយនៅក្នុងខ្លឹមសារអត្ថបទបានបន្ថែមទៀតថា បុគ្គលអាយុក្រោម៤០ឆ្នាំ ទាំងអស់នឹងត្រូវបដិសេធ​មិនឱ្យចូលប្រទេសមិនថាប្រុសឬស្រី ទោះមានទិដ្ឋាការ ឬឯកសារអាជីវកម្មក៏ដោយ។ អគ្គនាយកដ្ឋាន​អន្តោ​ប្រវេសន៍បានបញ្ជាក់បន្ថែមថា មន្រ្តីនគរបាលអន្តោប្រវេសន៍ មិនដែលទទួលបាន​គោលការណ៍ណែនាំពីថ្នាក់ដឹកនាំណាមួយ ក្នុងការរឹត​បន្តឹងហាមឃាត់ មនុស្សដែលមានអាយុក្រោម ៤០ឆ្នាំ មិនឱ្យចូលកម្ពុជានោះទេ។ ជាមួយគ្នានេះដែរ បណ្តា​ប៉ុស្តិ៍នគរបាលច្រកទ្វារអន្តរជាតិសំខាន់ៗ ទាំងផ្លូវ​អាកាស និងផ្លូវគោក គឺនៅបន្តបែប​បទនៃការចូល-ចេញ ប្រទេសជាធម្មតា មិនមានការផ្លាស់ប្តូរណាមួយឡើយ ដែលធ្វើឱ្យមានការរាំងស្ទះដល់ការធ្វើដំណើរចូល-ចេញ ព្រះរាជាណាចក្រកម្ពុជានោះទេ។ =============[** 👉Faceboo**](https://www.facebook.com/vayofm)[**k 👉Telegram **](https://t.me/vayofm)[** **](https://www.youtube.com/@vayofm105)[**👉TikTok**](https://www.tiktok.com/@vayofmradio?_t=8qP0w6MsZfe&_r=1)[** 👉YouTube**](https://www.youtube.com/@vayofm105)** **[**👉IOS**](https://apps.apple.com/us/app/vayo-fm-radio/id993070474)[** 👉Android**](https://play.google.com/store/apps/details?id=com.vayofm.bunsorng.vayoapp)