西港警察局辟谣AI造假信息 警告严惩网络造谣者

ស្នងការដ្ឋាននគរបាលខេត្តព្រះសីហនុ ច្រានចោលព័ត៌មានក្លែងក្លាយប្រើ AI បំពុលសាធារណមតិ ស្នងការដ្ឋាននគរបាលខេត្តព្រះសីហនុ បានចេញសេចក្តីបំភ្លឺ ដោយបដិសេធ និងច្រានចោលទាំងស្រុងចំពោះព័ត៌មានមិនពិត ដែលត្រូវបានផ្សព្វផ្សាយលើបណ្ដាញសង្គម ដោយប្រើរូបភាពកែច្នៃតាមបច្ចេកវិទ្យា AI និងខ្លឹមសារបំភាន់ការពិត ពាក់ព័ន្ធនឹងសកម្មភាពរបស់សមត្ថកិច្ចនគរបាលខេត្តព្រះសីហនុ។ អាជ្ញាធរបញ្ជាក់ថា ការផ្សព្វផ្សាយខាងលើ ដែលមានប្រភពពីគណនីហ្វេសប៊ុកជាភាសាចិនឈ្មោះ 东南亚资讯 (ព័ត៌មានអាស៊ីអាគ្នេយ៍) គឺជាព័ត៌មានប្រឌិត គ្មានមូលដ្ឋានពិត ក្នុងចេតនាបំពុលសាធារណមតិ និងប៉ះពាល់ដល់កិត្តិយស កេរ្តិ៍ឈ្មោះ និងតម្លាភាពរបស់ស្ថាប័នអនុវត្តច្បាប់កម្ពុជា។ ស្នងការដ្ឋាននគរបាលខេត្តព្រះសីហនុ ក៏បានអំពាវនាវដល់សាធារណជន កុំជឿ កុំចែកចាយ និងកុំបន្តផ្សព្វផ្សាយព័ត៌មានដែលគ្មានប្រភពច្បាស់លាស់ ឬព័ត៌មានបំភាន់ការពិត ដែលអាចបង្កការយល់ច្រឡំ និងប៉ះពាល់ដល់សន្តិសុខ សណ្តាប់ធ្នាប់សាធារណៈ។ ជាមួយគ្នានេះ សមត្ថកិច្ចកំពុងស្រាវជ្រាវរកម្ចាស់គណនី និងអ្នកពាក់ព័ន្ធក្នុងការផលិត និងផ្សព្វផ្សាយព័ត៌មានមិនពិតនេះ ដើម្បីចាត់វិធានការតាមផ្លូវច្បាប់។ ប្រភព៖ ស្នងការនគរបាលខេត្តព្រះសីហនុ —— Page [Troryorng News](https://www.facebook.com/share/p/1ZfrcPhPoZ/) Page [Troryorng TV](https://www.facebook.com/share/14DPeavcn1c/?mibextid=wwXIfr) Page [Troryorng សង្គម-កម្សាន្ត](https://www.facebook.com/share/1GLoG894TC/?mibextid=wwXIfr) Page [Troryorng Spots](https://www.facebook.com/share/19g1hx7oGe/?mibextid=wwXIfr) www.troryorng.com