相关部门与省市级交通安全委员会举行会议，讨论工厂交通安全政策

ភាគីពាក់ព័ន្ធថ្នាក់ខេត្តកំពុងចូលរួមយ៉ាងជំរុញគោលនយោបាយសុវត្ថិភាពចរាចរណ៍ផ្លូវគោកកម្រិតរោងចក្រ កម្មវិធី POSS បានរៀបចំកិច្ចប្រជុំជាមួយ អនុកម្មាធិការសុវត្ថិភាពចរាចរណ៍ផ្លូវគោកថ្នាក់ខេត្ត ដើម្បីប្រមូលធាតុចូលលើសេចក្តីព្រាង គោលនយោបាយកម្រិតរោងចក្រ សុវត្ថិភាពចរាចរណ៍ផ្លូវគោក និងពិភាក្សាអំពីស្ថានភាពសុវត្ថិភាពចរាចរណ៍ផ្លូវគោក ជាពិសេសហានិភ័យដែលកម្មករ-កម្មការិនីជួបប្រទះក្នុងការធ្វើដំណើរប្រចាំថ្ងៃទៅ និងមកពីកន្លែងធ្វើការ។ កិច្ចប្រជុំនេះមានការចូលរួមពី អភិបាលរងខេត្ត និងមន្ទីរ/អង្គភាពពាក់ព័ន្ធថ្នាក់ខេត្ត និងថ្នាក់ស្រុក ដែលស្ថិតនៅក្នុងតំបន់មានរោងចក្រគោលដៅ។ អ្នកចូលរួមបានផ្តល់ធាតុចូលដ៏មានតម្លៃពាក់ព័ន្ធនឹង វិសាលភាពនៃគោលនយោបាយ វិធីសាស្ត្រអនុវត្ត និងយន្តការតាមដាន និងវាយតម្លៃ។ អ្នកចូលរួមបានបង្ហាញការគាំទ្រយ៉ាងខ្លាំងចំពោះគំនិតផ្តួចផ្តើមនេះ និងស្វាគមន៍សំណើឱ្យ រោងចក្រទាំងអស់នៅក្នុងខេត្តចូលរួមក្នុងការអនុវត្តសាកល្បង។ ប្រភព៖អង្គការមូលនិធិបង្ការរបួសអាស៊ី