柬埔寨新闻部与越南通讯社深化信息领域合作

[来源: 柬埔寨国家电视台] [分类提示: NEWS] 标题: ឯកឧត្តម នេត្រ ភក្ត្រា ទទួលជួបប្រធានការិយាល័យតំណាងទីភ្នាក់ងារសារព័ត៌មានវៀតណាម (VNA) អាណត្តិចាស់ និងអាណត្តិថ្មី ដើម្បីពង្រឹងកិច្ចសហប្រតិបត្តិការវិស័យព័ត៌មានរវាងកម្ពុជា-វៀតណាម ភ្នំពេញ៖ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានទទួលជួបពិភាក្សាការងារជាមួយលោក ហ្វិញ វ៉ាន់ថាវ ប្រធានការិយាល័យតំណាងទីភ្នាក់ងារសារព័ត៌មានវៀតណាម (VNA) ប្រចាំកម្ពុជា អាណត្តិចាស់ ដែលបានបញ្ចប់បេសកកម្មការងារ និងចូលជម្រាបលា ព្រមទាំងបានទទួលស្វាគមន៍លោក ដូ ហ៊ុយ ប៊ិញ ដែលត្រូវបានតែងតាំងជាប្រធានការិយាល័យតំណាង VNA ប្រចាំកម្ពុជា អាណត្តិថ្មី នាព្រឹកថ្ងៃទី៤ ខែសីហា ឆ្នាំ២០២៦ ដើម្បីពិភាក្សាអំពីការបន្តពង្រឹងកិច្ចសហប្រតិបត្តិការក្នុងវិស័យព័ត៌មាន និងការផ្លាស់ប្តូរព័ត៌មានរវាងប្រទេសទាំងពីរ។ ក្នុងជំនួបនេះ ឯកឧត្តម នេត្រ ភក្ត្រា បានសម្តែងការស្វាគមន៍យ៉ាងកក់ក្តៅចំពោះលោក ដូ ហ៊ុយ ប៊ិញ ក្នុងឱកាសចូលកាន់តំណែងថ្មី និងបានវាយតម្លៃខ្ពស់ចំពោះតួនាទីរបស់ទីភ្នាក់ងារសារព័ត៌មានវៀតណាម ក្នុងការផ្សព្វផ្សាយព័ត៌មានអំពីកម្ពុជា និងការរួមចំណែកពង្រឹងទំនាក់ទំនងមិត្តភាព និងកិច្ចសហប្រតិបត្តិការរវាងកម្ពុជា និងវៀតណាម ប្រកបដោយវិជ្ជាជីវៈ ភាពត្រឹមត្រូវ និងការទទួលខុសត្រូវ។ ឯកឧត្តមរដ្ឋមន្ត្រីបានគូសបញ្ជាក់ថា ក្រសួងព័ត៌មានកម្ពុជា និងទីភ្នាក់ងារសារព័ត៌មានវៀតណាម VNA បានរក្សាទំនាក់ទំនង និងកិច្ចសហប្រតិបត្តិការយ៉ាងជិតស្និទ្ធជាយូរមកហើយ តាមរយៈការផ្លាស់ប្តូរព័ត៌មាន ការចែករំលែកបទពិសោធន៍វិជ្ជាជីវៈ ការបណ្តុះបណ្តាលធនធានមនុស្ស និងការគាំទ្រគ្នាទៅវិញទៅមកក្នុងវិស័យសារព័ត៌មាន។ ឯកឧត្តមបានបង្ហាញក្តីរំពឹងថា ភាគីទាំងពីរនឹងបន្តពង្រឹងកិច្ចសហប្រតិបត្តិការឱ្យកាន់តែស៊ីជម្រៅ ស្របតាមការវិវឌ្ឍន៍នៃបច្ចេកវិទ្យាឌីជីថល និងការប្រែប្រួលយ៉ាងឆាប់រហ័សនៃបរិយាកាសព័ត៌មាន។ ឯកឧត្តម នេត្រ ភក្ត្រា