边境事务国务秘书处公务员选拔今日放榜 最终结果晚间公布

កំពុងដំណើរការប្រឡងប្រជែងបណ្តើរ បូកសរុបពិន្ទុបណ្តើរ ការប្រឡងវិញ្ញាសាសួរផ្ទាល់មាត់ ត្រូវវាយតម្លៃ និងដាក់ពិន្ទុ តាមចំណុច និងជំនាញដែលបានកំណត់នៅក្នុងព្រឹត្តិបត្រពិន្ទុ សម្រាប់វិញ្ញាសាសួរផ្ទាល់មាត់ លើមុខតំណែងវិជ្ជាជីវៈ ក្នុងតារាងឧបសម្ព័ន្ធ២ សម្រាប់ការប្រឡងប្រជែងជ្រើសរើសមន្ត្រីរាជការ ឱ្យចូលបម្រើការងារក្នុងក្របខ័ណ្ឌរដ្ឋលេខាធិការដ្ឋានកិច្ចការព្រំដែន។ អនុគណៈកម្មការវិញ្ញាសាសួរផ្ទាល់មាត់ នឹងយកព្រឹត្តិបត្រពិន្ទុ សម្រាប់វិញ្ញាសាសួរផ្ទាល់មាត់ តាមបន្ទប់នីមួយៗ នៅពេលចប់ ១ពេលប្រឡង មកជូនអនុគណៈកម្មការស្រង់ពិន្ទុ ដើម្បីវាយបញ្ចូលក្នុងប្រព័ន្ធកុំព្យូទ័រ និងបូកជាមួយពិន្ទុវិញ្ញាសាសរសេរលើកទី១ ធ្វើការសម្រាំងពិន្ទុបេក្ខជនតាមមុខតំណែងវិជ្ជាជីវៈជ្រើសរើស ដែលមានពិន្ទុខ្ពស់ជាងគេ ទៅតាមប៉ុស្តិ៍ជ្រើសរើស និងជំនាញនីមួយៗ ជាបេក្ខជនជាប់ជាស្ថាពរ ព្រមទាំងប្រកាសលទ្ធផល នាល្ងាចថ្ងៃទី១៣ ខែមិថុនា ឆ្នាំ២០២៦ តែម្តង។ សូមជម្រាបថា រាល់ដំណាក់កាលនៃការប្រឡងប្រជែង និងការបញ្ចូល ក៏ដូចជាការបូកសរុបពិន្ទុរបស់បេក្ខជន ត្រូវបានតាមដាន និងពិនិត្យជាប់ជានិច្ច ពីអង្គភាពប្រឆាំងអំពើពុករលួយ និងអនុគណៈកម្មការពិនិត្យ និងវាយតម្លៃ ព្រមទាំងអង្គភាពពាក់ព័ន្ធ។