商务部总结AIMS项目上半年成果 聚焦农产品供应链升级

(ភ្នំពេញ)៖ នារសៀលថ្ងៃព្រហស្បតិ៍ ទី២ ខែកក្កដា ឆ្នាំ២០២៦ នៅទីស្ដីការក្រសួងពាណិជ្ជកម្ម លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអញ្ជើញជាអធិបតីដឹកនាំកិច្ចប្រជុំបូកសរុបលទ្ធផលការងារប្រចាំឆមាសទី១ និងកំណត់ទិសដៅយុទ្ធសាស្ត្រសម្រាប់ការអនុវត្តបន្តក្នុងឆមាសទី២ ឆ្នាំ២០២៦ របស់គម្រោងជំរុញទីផ្សារសម្រាប់កសិកម្មខ្នាតតូច (អេមស៍) ដោយមានការអញ្ជើញចូលរួមពី ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ទទួលបន្ទុក ឯកឧត្តមអគ្គនាយក លោក លោកស្រី អគ្គនាយករង ប្រធាននាយកដ្ឋាន ប្រធានមន្ទីរពាណិជ្ជកម្មខេត្តគោលដៅទាំង ១៨ ទីប្រឹក្សាគម្រោង និងមន្រ្តីបង្គោលទាំងអស់។ ជាកិច្ចចាប់ផ្តើម លោកជំទាវរដ្ឋមន្ត្រីបានថ្លែងស្វាគមន៍ និងថ្លែងអំណរគុណដល់ក្រុមការងារ ដែលបានខិតខំប្រឹងប្រែង ប្រកបដោយស្មារតីទទួលខុសត្រូវ និងបុរេសសកម្ម ក្នុងការអនុវត្តការងារនាពេលកន្លងមក។ លោកជំទាវរដ្ឋមន្រ្តី បានវាយតម្លៃខ្ពស់ចំពោះវឌ្ឍនភាពរបស់គម្រោង ជាពិសេសលើសកម្មភាពការងារ កៀរគរកសិករបង្កើតចង្កោមអាជីវកម្ម ការរៀបចំផែនការអាជីវកម្ម ការរៀបចំផែនការផលិត សំដៅអភិវឌ្ឍខ្សែច្រវាក់តម្លៃ ការសម្របសម្រួលកិច្ចសន្យាទិញលក់ដល់ក្រុមកសិករផលិត និងការរៀបចំផ្សារផលិតផលខ្មែរ ជាដើម។ លោកជំទាវរដ្ឋមន្រ្តី បានសង្កត់ធ្ងន់ថា ភាពជោគជ័យនៃគម្រោង គឺត្រូវផ្តោតលើទាំងវឌ្ឍនភាពក្នុងពេលអនុវត្តគម្រោង និងក្រោយពេលគម្រោងបិទបញ្ចប់ ពោលគឺ ត្រូវបន្តនិរន្តរភាព នូវផលប្រយោជន៍ជូនប្រជាកសិករ និងរក្សាបាននូវម្ចាស់ការលើការបន្តការងារតភ្ជាប់ទីផ្សារ ទាំងបរិមាន និងគុណភាព។ ជាកិច្ចបញ្ចប់ លោកជំទាវរដ្ឋមន្ត្រី បានផ្តល់អនុសាសន៍សំខាន់ៗជាទិសដៅយុទ្ធសាស្ត្រ ក្នុងការបន្តអនុវត្តការងារ ឆ្ពោះទៅសម្រេចបានវឌ្ឍនភាពនិងសមិទ្ធផលបន្ថែមទៀត ក្នុងឆមាសទី២ តាមការគ្រោងទុក។ #MOC2026 #AIMS #AIMS2026 … ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖ Connect with Ministry of Commerce: 🌐 [Facebook ](https://web.facebook.com/moc.gov.kh) 🌐 [Telegram](https://t.me/mocnewsfeed) 🌐 [Website](https://www.moc.gov.kh/) 🌐 [YouTube](https://www.youtube.com/@mocgovkhcambodia) 🌐 [X (Twitter](https://twitter.com/MoCCambodia))