洪玛尼慰问实居省退休教师家属 落实社会保障政策

ក្រុមការងារផ្នែកនិវត្ដជននិងអតីតយុទ្ធជនខេត្តកំពង់ស្ពឺបាននាំយកសាររំលែកនូវមរណទុក្ខ និងបច្ច័យរបស់ ឯកឧត្តមឧបនាយករដ្ឋមន្ត្រី ហ៊ុន ម៉ានី ជូនក្រុមគ្រួសារសពនិវត្តជនខេត្តកំពង់ស្ពឺ ======== ខេត្តកំពង់ស្ពឺ-ឯកឧត្តម ឈួរ សុបញ្ញា បានដឹកនាំក្រុមការងារផ្នែកនិវត្ដជននិងអតីតយុទ្ធជននៃក្រុមការងារសិក្សាស្រាវជ្រាវ និងចិញ្ចឹមចលនា ខេត្តកំពង់ស្ពឺបាននាំយកសាររំលែកនូវមរណទុក្ខ និងបច្ច័យរបស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានក្រុមការងារចុះមូលដ្ឋានខេត្តកំពង់ស្ពឺ ជូនក្រុមគ្រួសារសពឧបាសិកា ហ៊ីង ធី អតីតគ្រូបង្រៀននៅសាលាបឋមសិក្សាអង្គវៀន នៃស្រុកគងពិសី បានទទួលមរណភាពក្នុងជន្មាយុ ៧៤ឆ្នាំ ដោយរោគាពាធ គេហដ្ឋានសពស្ថិតក្នុង ភូមិបឹងប្រសែ ឃុំព្រៃញាតិ ស្រុកគងពិសី ខេត្ដកំពង់ស្ពឺ ដោយមានការអញ្ជើញចូលរួមពីក្រុមប្រឹក្សាឃុំផងដែរ។ ក្នុងឱកាសដ៏សែនក្រៀមក្រំនោះ ក្រុមការងារបានពាំនាំនូវការចូលរួមរំលែកនូវមរណទុក្ខរបស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសារធារណៈ និងជាប្រធានក្រុមការងារចុះមូលដ្ឋានខេត្តកំពង់ស្ពឺ និងលោកជំទាវ ដាំ ដារិនី ប្រធានក្រុមការងារសិក្សាស្រាវជ្រាវ និងចិញ្ចឹមចលនា ខេត្តកំពង់ស្ពឺជូនចំពោះក្រុមគ្រួសារសព និងបានជម្រាបជូនគ្រួសារសព អំពីរបបគោលនយោបាយសន្តិសុខសង្គមរបស់រាជរដ្ឋាភិបាលជូនសពចុងក្រោយចំនួន១២ខែ នៃប្រាក់សោធនចុងក្រោយរបស់សព និងការបន្តផ្តល់ប្រាក់ឧបត្ថម្ភភរិយាសពចំនួន ៣០ ០០០រៀល/ខែ ដោយថវិកានេះបើក១ឆ្នាំម្តង ដោយមូលនិធិជាតិជំនួយសង្គម ផងដែរ។