政府成立中小企业营商环境优化工作组

សេចក្តីសម្រេចលេខ ៩០ សសរ រាជរដ្ឋាភិបាលបានសម្រេច បង្កើតក្រុមការងារចំពោះកិច្ចកែសម្រួលការចាប់ផ្តើម និងកិច្ចប្រតិបត្តិការអាជីវកម្មរបស់សហគ្រាសធុនមីក្រូ តូច និងមធ្យម (ក.ក.ស.) ដោយមានសមាសភាពថ្នាក់ដឹកនាំពីខុទ្ធកាល័យសម្តេចធិបតី និងសមាជិកពីក្រសួង-ស្ថាប័នពាក់ព័ន្ធ ដើម្បីជំរុញការកែលម្អបរិយាកាសធុរកិច្ច និងសេវាសាធារណៈសម្រាប់ ស.ម.ត.ម.។ តួនាទី និងភារកិច្ចសំខាន់ៗរបស់ ក.ក.ស. គឺ៖ ពិនិត្យ និងវាយតម្លៃនីតិវិធី បទប្បញ្ញត្តិ និងការផ្តល់សេវាពាក់ព័ន្ធនឹងការចាប់ផ្តើម និងប្រតិបត្តិអាជីវកម្ម; សិក្សា និងកំណត់បញ្ហា ឧបសគ្គ ភាពស្ទួន និងចន្លោះប្រហោង; សម្របសម្រួលជាមួយក្រសួង ស្ថាប័ន និងភាគីពាក់ព័ន្ធ ដើម្បីសម្រួលនីតិវិធី កាត់បន្ថយបន្ទុករដ្ឋបាល និងលើកកម្ពស់ប្រសិទ្ធភាពសេវា; រៀបចំសំណើ និងវិធានការកែលម្អជូនរាជរដ្ឋាភិបាល; និងអាចបង្កើតអនុក្រុមការងារតាមការចាំបាច់ ដើម្បីអនុវត្តភារកិច្ចឱ្យមានប្រសិទ្ធភាព។ ជារួម សេចក្តីសម្រេចនេះមានគោលដៅបង្កើត យន្តការសម្របសម្រួលកម្រិតខ្ពស់ ដើម្បីធ្វើឱ្យការចាប់ផ្តើម និងដំណើរការអាជីវកម្មរបស់ ស.ម.ត.ម. កាន់តែ ងាយស្រួល ឆាប់រហ័ស មានតម្លាភាព និងកាត់បន្ថយថ្លៃដើមនៃការអនុលោមតាមបទប្បញ្ញត្តិ។ +++++ [សូមចុចទីនេះ 📲 ចូលជាសមាជិក](https://t.me/Cambobiz)