西索瓦高中新一代学校举办主题讲座，邀请技能发展基金会战略规划

[កិច្ចពិភាក្សាក្រោមប្រធានបទ “ពីមនុស្សម្នាក់ដែលធ្លាប់មានត្រឹមតែក្តីស្រមៃ! មកក្លាយជាសិស្សជ័យលាភីនិទ្ទេស A!” ត្រូវបានផ្តល់កិត្តិយសចូលរួមជជែកវែកញែកដោយ លោក ប៉ូ វីរៈបុត្រ អតីតសិស្សនិទ្ទេស A និង អ្នកវិភាគការរៀបចំផែនការយុទ្ធសាស្ត្រ នៅមូលនិធិអភិវឌ្ឍន៍ជំនាញ (SDF) និង កញ្ញា កែវ ពេជ្រសុជាតា សិស្សថ្នាក់ទី១២ ឆ្នាំសិក្សា២០២៥-២០២៦ (ថ្នាក់ទី១២បច្ចុប្បន្ន) មកពីសាលារៀនជំនាន់ថ្មីនៃវិទ្យាល័យព្រះស៊ីសុវត្ថិ NGS ។](https://www.facebook.com/share/p/18dKFSRmgk/) ក្នុងនាមគណៈកម្មការរៀបចំ «វេទិកាឧត្តមសិក្សាកម្ពុជា និងការសិក្សានៅបរទេស ឆ្នាំ២០២៦» សូមថ្លែងអំណរគុណយ៉ាងជ្រាលជ្រៅជូនចំពោះ លោក និងកញ្ញា ដែលបានចំណាយពេលវេលាដ៏មានតម្លៃ ក្នុងការធ្វើបទបង្ហាញ ប្រកបដោយចំណេះដឹង ទស្សនវិស័យ និងការផ្តល់នូវពត៌មានសំខាន់ៗ ដល់សិស្ស និស្សិត និងអ្នកចូលរួមទាំងអស់។ ការចូលរួមរបស់លោក និងកញ្ញា នឹងផ្តល់ជូននូវបទពិសោធន៍ពិត ការតស៊ូក្នុងការសិក្សា វិធីសាស្ត្រគ្រប់គ្រងពេលវេលា ការកំណត់គោលដៅ និងកត្តាសំខាន់ៗដែលជួយឱ្យពួកគេឈានទៅរកភាពជោគជ័យក្នុងការសិក្សា ។ ជាពិសេស សិស្សានុសិស្សនឹងទទួលបានការលើកទឹកចិត្ត និងគន្លឹះអនុវត្តជាក់ស្តែង ដើម្បីអភិវឌ្ឍខ្លួនឯង និងត្រៀមខ្លួនឆ្ពោះទៅរកលទ្ធផលសិក្សាល្អប្រសើរនាពេលអនាគត។