俄罗斯GAZ商用车正式进军金边 商务部鼓励扩大投资

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម អញ្ជើញជាអធិបតីក្នុងពិធីបិទ «កម្មវិធីតាំងបង្ហាញ និងបើកបរសាកល្បងរថយន្តពាណិជ្ជកម្មរុស្ស៊ី GAZ» … (ភ្នំពេញ)៖ នាព្រឹកថ្ងៃសៅរ៍ ទី១៦ ខែឧសភា ឆ្នាំ២០២៦ នៅសណ្ឋាគាររ៉េស៊ីដង់ សុខា ភ្នំពេញ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអញ្ជើញជាអធិបតីក្នុងពិធីបិទ «កម្មវិធីតាំងបង្ហាញ និងបើកបរសាកល្បងរថយន្តពាណិជ្ជកម្មរុស្ស៊ី GAZ» ដោយមានការចូលរួមពី ឯកឧត្តម Anatoly Borovik ឯកអគ្គរដ្ឋទូតសហព័ន្ធរុស្ស៊ីប្រចាំកម្ពុជា ថ្នាក់ដឹកនាំក្រសួងពាណិជ្ជកម្ម តំណាងសមាគមពាណិជ្ជករកម្ពុជា-រុស្ស៊ី ក្រុមហ៊ុន GAZ Business Solutions និងភ្ញៀវកិត្តិយសជាច្រើនរូប។ ក្នុងឱកាសនោះ លោកជំទាវរដ្ឋមន្ត្រី បានវាយតម្លៃខ្ពស់ចំពោះការរៀបចំកម្មវិធីនេះ ដែលជាកាលានុវត្តភាពដ៏សំខាន់សម្រាប់ការចាប់ដៃគូអាជីវកម្ម និងការពង្រីកវត្តមានរថយន្តពាណិជ្ជកម្មរុស្ស៊ីម៉ាក GAZ នៅក្នុងទីផ្សារកម្ពុជា ស្របពេលដែលតម្រូវការរថយន្តពាណិជ្ជកម្មនៅកម្ពុជាកំពុងមានការកើនឡើង។ លោកជំទាវរដ្ឋមន្ត្រី បានគូសបញ្ជាក់ថា កម្មវិធីនេះក៏ជាការចូលរួមអបអរសាទរខួបលើកទី៧០ នៃការបង្កើតទំនាក់ទំនងការទូតរវាងកម្ពុជា និងសហព័ន្ធរុស្ស៊ី និងឆ្លុះបញ្ចាំងពីការរីកចម្រើននៃកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងមិត្តភាពរវាងប្រទេសទាំងពីរ។ មុននឹងបញ្ចប់ លោកជំទាវរដ្ឋមន្ត្រី បានលើកទឹកចិត្តឱ្យក្រុមហ៊ុនរុស្ស៊ី ជាពិសេសក្រុមហ៊ុន GAZ Business Solutions បន្តពង្រីកការវិនិយោគ និងកិច្ចសហប្រតិបត្តិការនៅកម្ពុជា ព្រមទាំងពង្រឹងសេវាកម្មក្រោយការលក់ ការផ្គត់ផ្គង់គ្រឿងបន្លាស់ និងការអភិវឌ្ឍធនធានមនុស្ស ដើម្បីគាំទ្រការអភិវឌ្ឍវិស័យឧស្សាហកម្មយានយន្តនៅកម្ពុជា។ … ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖ Connect with Ministry of Commerce: 🌐 [Facebook ](https://web.facebook.com/moc.gov.kh) 🌐 [Telegram](https://t.me/mocnewsfeed) 🌐 [Website](https://www.moc.gov.kh/) 🌐 [YouTube](https://www.youtube.com/@mocgovkhcambodia) 🌐 [X (Twitter](https://twitter.com/MoCCambodia))