洪玛尼会见越南代表团 深化柬越青年合作

ឯកឧត្តម ហ៊ុន ម៉ានី ប្រធានស.ស.យ.ក ពិភាក្សាការងារជាមួយនាយករដ្ឋមន្ត្រីវៀតណាម ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក.) អញ្ជើញដឹកនាំគណៈប្រតិភូ ស.ស.យ.ក. ចូលជួបសម្តែងការគួរសម និងពិភាក្សាការងារជាមួយគណៈប្រតិភូ នៃសាធារណរដ្ឋសង្គមនិយមវៀតណាម ដឹកនាំដោយ ឯកឧត្តម ឡេ មិញហ៊ឹង នាយករដ្ឋមន្រ្តី។ កិច្ចជំនួបនេះត្រូវបានធ្វើឡើងស្របពេលដែលឯកឧត្តមនាយករដ្ឋមន្រ្តីកំពុងបំពេញទស្សនកិច្ចផ្លូវការនៅព្រះរាជាណាចក្រកម្ពុជា។ សេចក្តីប្រកាសព័ត៌មានបានឱ្យដឹងថា នៅក្នុងជំនួប ភាគីទាំងពីរបានធ្វើការបង្ហាញឆន្ទៈមោះមុតក្នុងការរឹតចំណងមិត្តភាព និងសហប្រតិបត្តិការទ្វេភាគី ជាពិសេសរវាងស្ថាប័នយុវជនវៀតណាម ដែលជាដៃគូយូរអង្វែង របស់ ស.ស.យ.ក.។ សេចក្តីប្រកាសព័ត៌មានបន្ថែមថា ជំនួបនេះ សរបញ្ជាក់ឱ្យឃើញពីការយកចិត្តទុកដាក់របស់ថ្នាក់ដឹកនាំនៃប្រទេសទាំង២ចំពោះតួនាទីរបស់យុវជនក្នុងការពង្រីកកិច្ចសហប្រតិបត្តិការ សមាគ្គីភាព និងមិត្តភាពជាប្រពៃណី កម្ពុជា-វៀតណាមផងដែរ។ សូមបញ្ជាក់ថា កាលពីពេលថ្មីៗកន្លងទៅ គណៈប្រតិភូស.ស.យ.ក. បានទៅបំពេញទស្សនកិច្ចនៅសាធារណរដ្ឋសង្គមនិយមវៀតណាម ដែលបានបង្ហាញពីការបន្តពង្រឹងកិច្ចសហប្រតិបត្តិការរវាងស្ថាប័នយុវជនទាំង២៕