东盟议会及相关农业机构在金边举行会议，共同推动建立“粮食银行

[来源: 柬埔寨国家电视台] [分类提示: NEWS] 标题: សភាតំណាងប្រទេសក្នុងតំបន់អាស៊ាន អង្គការអន្តរជាតិ និងអ្នកពាក់ព័ន្ធក្នុងវិស័យកសិកម្ម ជំរុញឱ្យមាន «ធនាគារស្បៀង» ដើម្បីឆ្លើយតបនឹងវិបត្តិស្បៀងអាហារ នៅវិមានរដ្ឋសភា ឯកឧត្តម សួស យ៉ារ៉ា ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាននៃរដ្ឋសភា (គណៈកម្មការទី៥) ក្នុងឱកាសអញ្ជើញជាអធិបតីបិទវេទិកា ASEAN RAI ដែលបានដំណើរការរយៈពេល ២ ថ្ងៃប្រកបដោយជោគជ័យនៅកម្ពុជា បានគូសបញ្ជាក់ថា សភាតំណាងប្រទេសក្នុងតំបន់អាស៊ាន អង្គការអន្តរជាតិ និងអ្នកពាក់ព័ន្ធក្នុងវិស័យកសិកម្មទាំងអស់ បានរួមគ្នាជំរុញឱ្យមានការបង្កើត «ធនាគារស្បៀង» ដើម្បីត្រៀមឆ្លើយតបទៅនឹងវិបត្តិស្បៀងអាហារ។ បើតាមប្រសាសន៍របស់ឯកឧត្តម សួស យ៉ារ៉ា ការបង្កើត «ធនាគារស្បៀងអាស៊ាន» (ASEAN Food Bank) នេះ មានគោលបំណងស្តុកទុកកសិផលសំខាន់ៗ ដោយចាប់ផ្តើមពី «អង្ករ» ជាអាទិភាពចម្បងដំបូងគេ សម្រាប់ផ្គត់ផ្គង់ដល់បណ្តារដ្ឋសមាជិកអាស៊ានបានទាន់ពេលវេលា នៅពេលជួបប្រទះវិបត្តិអសន្តិសុខស្បៀង ដូចជាគ្រោះរាំងស្ងួតអូសបន្លាយ ឬទឹកជំនន់ធ្ងន់ធ្ងរជាដើម។ ទន្ទឹមនឹងនេះ តាមរយៈវេទិកា ASEAN RAI ដដែល សភាតំណាងប្រទេសក្នុងតំបន់អាស៊ាន អង្គការអន្តរជាតិ និងដៃគូពាក់ព័ន្ធទាំងអស់ ក៏បានឯកភាពគ្នាលើការពង្រឹងក្របខណ្ឌច្បាប់ឱ្យកាន់តែរឹងមាំ និងច្បាស់លាស់ ក្នុងការជំរុញទំនើបកម្មកសិកម្ម ការសម្របខ្លួននឹងការប្រែប្រួលអាកាសធាតុ និងការប្រើប្រាស់បច្ចេកវិទ្យាបៃតង ដើម្បីធានាសម្រេចឱ្យបាននូវគោលដៅអភិវឌ្ឍន៍ប្រកបដោយចីរភាពរបស់អង្គការសហប្រជាជាតិ ឆ្នាំ២០៣០ (UNSDGs 2030) និងចក្ខុវិស័យសហគមន៍អាស៊ាន ឆ្នាំ២០៤៥។ បន្ថែមលើនេះ អង្គវេទិកាក៏បានសង្កត់ធ្ងន់លើការពង្រឹងអភិបាលកិច្ច ដើម្បីធានាការប្រកួតប្រជែងដោយសមធម៌ ព្រមទាំងការផ្តល់ការគាំទ្រផ្នែកសារពើពន្ធ និងហិរញ្ញប្បទានប្រកបដោយចីរភាពផងដែរ។ លើសពីនេះ វេទិកា ASEAN RAI ដែលសភាកម្ពុជាធ