柬埔寨聘请两名国际法专家 应对与泰国海洋争端

កម្ពុជា បានជ្រើសរើសនូវអ្នកច្បាប់អន្តរជាតិដ៏ឆ្នើម២រូប ដើម្បីធ្វើជាគណៈកម្មការផ្សះផ្សាដោយបង្ខំ ក្រោមអនុសញ្ញាអង្គការសហប្រជាជាតិស្តីពីនិតិសមុទ្រ ខណៈដែលភាគីថៃ មានពេល២១ថ្ងៃ ដើម្បីជ្រើសរើសអ្នកច្បាប់របស់ខ្លួន សម្រាប់ការតតាំងគ្នានៅអង្គការសហប្រជាជាតិ។ អ្នកនាំពាក្យក្រសួងការបរទេស៖ ក្នុងយន្តការនេះ គណៈកម្មការផ្សះផ្សា២រូប ត្រូវបានជ្រើសរើសដោយកម្ពុជា ២រូប នឹងត្រូវបានជ្រើសរើសដោយភាគីថៃ ចំណែក១រូបទៀត ជ្រើសរើសរួមគ្នា។ ក្នុងករណីដែលភាគីថៃ មិនអាចជ្រើសរើសបានក្នុងរយៈពេល២១ថ្ងៃ នោះអង្គការសហប្រជាជាតិ នឹងជ្រើសរើសជំនួស។ បើតាមប្រភពក្រៅផ្លូវការបានឱ្យដឹងថា អ្នកច្បាប់អន្តរជាតិ២រូប ដែលកម្ពុជាបានជ្រើសរើសនោះ រួមមាន៖ ១. លោក Peter Taksoe-Jensen ជាមន្រ្តីជាន់ខ្ពស់ផែ្នកច្បាប់អន្តរជាតិក្រសួងការបរទេស និងជាអ្នកការទូតអាជីព របស់ប្រទេសដាណឺម៉ាក ហើយធ្លាប់ធ្វើជាប្រធានគណៈកម្មការសម្របសម្រួលជម្លោះដែនសមុទ្ររវាងអូស្រ្តាលី និងទីម័រ របស់អង្គការសហប្រជាជាតិស្តីពីនិតិសមុទ្រ។ ២. លោកសាស្រ្តាចារ្យ Jean-Marc Thouvenin ជាអគ្គលេខាធិការបណ្ឌិតសភាច្បាប់អន្តរជាតិក្រុងឡាអេ និងទីប្រឹក្សាទីប្រឹក្សាតុលាការយុត្តិធម៌អន្តរជាតិ (ICJ)។ [**Join AMS One-minute**](https://t.me/ams1minute)