实居省官员出席当地民众丧礼 慰问家属并致哀

ក្រុមការងារឃុំដំណាក់រាំងចូលរួមគោរពវិញ្ញាណក្ខន្ធ និងរំលែកមរណទុក្ខយ៉ាងក្រៀមក្រំជាមួយក្រុមគ្រួសារសពលោក ឡុក ចាន់ថុល ======= ខេត្តកំពង់ស្ពឺ៖ នៅរសៀលថ្ងៃពុធ ៣រោច ខែជេស្ធ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣ ខែមិថុនា ឆ្នាំ២០២៦ ឯកឧត្តម ឈួរ សុបញ្ញា បានដឹកនាំក្រុមការងារឃុំដំណាក់រាំងចូលរួមគោរពវិញ្ញាណក្ខន្ធ និងរំលែកមរណទុក្ខយ៉ាងក្រៀមក្រំជាមួយក្រុមគ្រួសារសពលោក ឡុក ចាន់ថុល ដែលបានរស់នៅភូមិត្រពាំងរុន ឃុំដំណាក់រាំង ស្រុកសាមគ្គីមុនីជ័យ ខេត្តកំពង់ស្ពឺ។ ការបាត់បង់លោក ឡុង ចាន់ថុល គឺជាការបាត់បង់ស្វាមី និងឳពុកដ៏មានគុណធម៌មួយរូប ដែលបានលះបង់កម្លាំងកាយចិត្តក្នុងការថែរក្សាគ្រួសារ និងចូលរួមសង្គម។ ជីវិតរបស់លោកគឺជាគំរូនៃសេចក្ដីអត់ធ្មត់ ការលះបង់ និងការរស់នៅដោយសុចរិតភាព ដែលបានបន្សល់ទុកជាមរតកជីវិតដ៏មានតម្លៃសម្រាប់កូនចៅ និងញាតិមិត្ត ជិតខាង។ទោះបីជារូបកាយបានឃ្លាតឆ្ងាយទៅតាមច្បាប់ធម្មជាតិ ប៉ុន្តែសេចក្ដីស្រឡាញ់ ការថែទាំ និងគុណបំណាច់របស់លោក នឹងនៅស្ថិតស្ថេរជានិច្ចក្នុងបេះដូងកូនចៅ និងសាច់ញាតិទាំងឡាយ ដូចព្រះពុទ្ធបរមគ្រូបានត្រាស់ថា“សព្វេ សង្ខារា អនិច្ចា” អ្វីៗទាំងអស់ដែលកើតឡើង តែងតែរលាយបាត់ទៅវិញជាធម្មតា។ ការយល់ដឹងអំពីសច្ចធម៌នេះ ជួយឲ្យយើងទទួលយកការបាត់បង់ដោយសន្តិភាព និងបន្តប្រព្រឹត្តអំពើល្អ ដើម្បីឧទ្ទិសជាកុសលជូនដល់អ្នកដែលបានចាកចេញ។ ក្នុងវេលាដ៏សោកសៅនេះ ខ្សូមចូលរួមរំលែកទុក្ខយ៉ាងជ្រាលជ្រៅជាមួយក្រុមគ្រួសារ និងសូមឧទ្ទិសកុសលផលបុណ្យទាំងឡាយ ជូនដល់វិញ្ញាណក្ខន្ធ លោក ឡុង ចាន់ថុល សូមបានទៅកាន់សុគតិភព កុំបីឃ្លៀងឃ្លាតឡើយ។ 🙏