中蒙联合军演圆满落幕 机器狗等无人作战系统实战亮相

កងទ័ពចិន-ម៉ុងហ្គោលី កាលពីថ្ងៃសៅរ៍កន្លងទៅ បានបិទបញ្ចប់សមយុទ្ធរួមគ្នាដោយជោគជ័យ ក្នុងតំបន់ស្វយ័តម៉ុងហ្គោលី ភាគខាងជើងចិន។ក្នុងនោះមានការដាក់ពង្រាយដ្រូន និងបច្ចេកវិទ្យាយោធាគ្មានមនុស្សបើក ជំនាន់ថ្មី ដូចជា «ឆ្កែចចកយន្ត» យកមកអនុវត្តផ្ទាល់ក្នុងសមរភូមិជាក់ស្តែង។ យោងតាមប្រព័ន្ធផ្សព្វផ្សាយរដ្ឋចិន មុនពិធីបិទសមយុទ្ធផ្លូវការមកដល់ កងទ័ពនៃប្រទេសទាំងពីរបានធ្វើលំហាត់ហ្វឹកហ្វឺនបាញ់គ្រាប់ពិតលើវិញ្ញាសា «ប្រតិបត្តិការរួមប្រឆាំងនឹងក្រុមប្រដាប់អាវុធខុសច្បាប់» ដើម្បីតេស្តសាកល្បងចុងក្រោយ បន្ទាប់ពីឆ្លងកាត់ការហ្វឹកហ្វឺនយ៉ាងស្វិតស្វាញរយៈពេលមួយសប្តាហ៍។ កងទ័ពចិនបានដាក់ពង្រាយប្រព័ន្ធដ្រូនស៊ើបការណ៍ និង «ឆ្កែចចកយន្ត» ដើម្បីលបយកការណ៍ និងចែករំលែកព័ត៌មានសម្ងាត់តាមពេលវេលាជាក់ស្តែងជាមួយកងកម្លាំងម៉ុងហ្គោលី។ ទោះរងការវាយបក ឧបសគ្គពីលេណដ្ឋានរឹងមាំរបស់សត្រូវសិប្បនិម្មិត ក៏មេបញ្ជាការទាំងពីរភាគីកែសម្រួលយុទ្ធសាស្ត្រ ប្រើប្រព័ន្ធគ្រប់គ្រងអគ្គិភ័យលើរថពាសដែកបង្កើតបណ្តាញការពារ ប្រើប្រាស់«ឆ្កែចចកយន្ត» បំពាក់អាវុធរត់ទម្លាយឧបសគ្គទៅបាញ់សង្កត់ប៉ុស្តិ៍យាមសត្រូវ បើកផ្លូវឱ្យក្រុមទាហានកាំភ្លើងធំ និងក្រុមវាយលុកចល័តសហការគ្នាសម្រុកចូលកម្ទេចកម្លាំងសត្រូវទាំងស្រុង៕