柬埔寨驻华大使馆北京大屏庆贺莫尼列太后寿辰

**ស្ថានឯកអគ្គរាជទូតកម្ពុជាប្រចាំប្រទេសចិន ផ្សព្វផ្សាយអបអរសាទរព្រះរាជពិធីបុណ្យចម្រើនព្រះជន្ម សម្តេចព្រះមហាក្សត្រី ព្រះវររាជមាតាជាតិខ្មែរ តាមរយៈអេក្រង់ LED ដ៏ធំ** **ប៉េកាំង៖** នៅថ្ងៃទី១៨ ខែមិថុនា ឆ្នាំ២០២៦ នេះ ស្ថានឯកអគ្គរាជទូតកម្ពុជាប្រចាំសាធារណរដ្ឋប្រជាមានិតចិន បានរៀបចំផ្សព្វផ្សាយរូបថត និងវីដេអូមួយចំនួន តាមរយៈអេក្រង់ LED ដ៏ធំរបស់ស្ថានទូត។ ការរៀបចំនេះ គឺធ្វើឡើងដើម្បីចូលរួមអបអរសាទរក្នុងឱកាសដ៏មហានក្ខត្តឫក្ស នៃព្រះរាជពិធីបុណ្យចម្រើនព្រះជន្មវស្សា គម្រប់ ៩០ យាងចូល ៩១ ព្រះវស្សារបស់ **សម្តេចព្រះមហាក្សត្រី នរោត្តម មុនិនាថ សីហនុ** ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល។ សកម្មភាពដ៏មានអត្ថន័យនេះ បានបង្ហាញពីទឹកចិត្តគោរពស្រឡាញ់ និងការសម្តែងនូវកតញ្ញូតាធម៌យ៉ាងជ្រាលជ្រៅបំផុតចំពោះ ព្រះវររាជមាតាជាតិខ្មែរ ទោះបីជាស្ថិតនៅក្រៅប្រទេសយ៉ាងណាក៏ដោយ។