洪玛尼出席柬埔寨青年联合会志愿者医生座谈会

នារសៀលថ្ងៃទី១៩ ខែកញ្ញា ឆ្នាំ២០២៦ ឯកឧត្តម ហ៊ុន ម៉ានី ប្រធានសហភាពសហព័ន្ធយុវកម្ពុជា បានអញ្ជើញជាអធិបតីក្នុងពិធីសំណេះសំណាលជាមួយសមាជិកថ្មីនៃក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ប្រចាំមន្ទីរពេទ្យកាល់ម៉ែត និងសាកលវិទ្យាល័យវិទ្យាសាស្ត្រសុខាភិបាល។ អញ្ជើញចូលរួមក្នុងពិធីនេះរួមមាន ឯកឧត្តម អនុប្រធាន សមាជិក សមាជិកាគណៈអចិន្រ្តៃយ៍ និងឯកឧត្តម លោកជំទាវ លោក លោកស្រី លោកគ្រូពេទ្យ អ្នកគ្រូពេទ្យ និងសមាជិក សមាជិកា ក្រុមការងារគ្រូពេទ្យស្ម័គ្រចិត្ត សរុបប្រមាណ៤៧១រូប។ ក្នុងឱកាសបើកកម្មវិធី ឯកឧត្តមសាស្ត្រាចារ្យ** **គង់** **សន្យា អគ្គនាយកមន្ទីរពេទ្យកាល់ម៉ែត និងជាអនុប្រធានប្រតិបត្តិក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី បានធ្វើរបាយការណ៍សង្ខេបស្តីពីសមិទ្ធផលការងារនាពេលកន្លងមក តបតាមការចង្អុលបង្ហាញរបស់ ឯកឧត្តម ប្រធាន ស.ស.យ.ក. ព្រមទាំងបានថ្លែងអំណរគុណយ៉ាងជ្រាលជ្រៅចំពោះស្មារតីលះបង់ និងបេះដូងមនុស្សធម៌របស់សមាជិកទាំងអស់ដែលបានចូលរួមយ៉ាងសកម្ម ស្របតាមបុព្វហេតុដ៏ឧត្តុង្គឧត្តមរបស់ ស.ស.យ.ក.។ បន្ទាប់ពីបានស្ដាប់របាយការណ៍សង្ខេបស្តីពីសមិទ្ធផលនាពេលកន្លងមក ឯកឧត្តមវេជ្ជបណ្ឌិត** **ម៉ី** **សំបូរ រដ្ឋលេខាធិការប្រចាំការ ក្រសួងសុខាភិបាល តំណាងដ៏ខ្ពង់ខ្ពស់ ឯកឧត្តមសាស្ត្រាចារ្យ** **ឈាង** **រ៉ា រដ្ឋមន្ត្រីក្រសួងសុខាភិបាល បានសម្តែងនូវចំណាប់អារម្មណ៍យ៉ាងជ្រាលជ្រៅថា៖ «សកម្មភាពក្នុងស្មារតីមនុស្សធម៌ ដែលស្តែងចេញពីសេចក្តីស្រឡាញ់ និងក្តីអាណិតដល់បងប្អូនប្រជាពលរដ្ឋ ជាឈាមជ័រខ្មែរដូចគ្នា ខ្មែរស្រឡាញ់ខ្មែរ និងខ្មែររួបរួមគ្នាតែមួយ អនាគតតែមួយ ដោយមិនប្រកាន់បក្សពួក សាសនា ឬនិន្នាការនយោបាយឡើយ»។ ឯកឧត្តម បានបន្ថែមថាក្នុងនាមថ្នាក់ដឹកនាំ និងមន្ត្រីក្រសួងសុខាភិបាលនឹងបន្តគាំទ្រ និងសហការជាមួយក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ដែលជាកម្លាំងចលករយ៉ាងសំខាន់ក្នុងការជួយបំពេញបន្ថែមលើសេវាសុខាភិបាលរដ្ឋ ចុះផ្ទាល់ដល់តាមខ្នងផ្ទះ និងតំបន់ដាច់ស្រយាល ដើម្បីរួមចំណែកអភិវឌ្ឍន៍មូលធនមនុស្ស និងសម្រេចចក្ខុវិស័យកម្ពុជាឆ្នាំ២០៥០ របស់រាជរដ្ឋាភិបាល! ❤️🩺 #សសយក #កម្ពុជា #UYFC #Cambodia