柬埔寨一年内打击663个诈骗窝点 遣返2.2万外籍人员

គិតចាប់ពីខែកក្កដា ឆ្នាំ២០២៥ ដល់ថ្ងៃទី៣១ ខែសីហា ឆ្នាំ២០២៦ អាជ្ញាធរកម្ពុជាបានឆ្មក់ចូលត្រួតពិនិត្យទីតាំងសង្ស័យចំនួន ៨៣២ទីតាំង និងបង្ក្រាបទីតាំងឆបោកបាន ៦៦៣ទីតាំង ក្នុងនោះ ៨៦ទីតាំងជាមណ្ឌលឆបោក (Scam Compounds) ត្រូវបានបិទដើម្បីឈានទៅរឹបអូសតាមនីតិវិធីច្បាប់។ ក្នុងប្រតិបត្តិការនេះ សមត្ថកិច្ចបានឃាត់ខ្លួនជនសង្ស័យជាង ២៩ ០០០នាក់ មកពី ៣៩សញ្ជាតិ ខណៈជនបរទេសជាង ២២ ០០០នាក់ មកពី ៣៨ប្រទេស ត្រូវបានបញ្ជូនត្រឡប់ទៅប្រទេសកំណើត តាមនីតិវិធីច្បាប់ និងបទដ្ឋានសិទ្ធិមនុស្ស។ ជាមួយគ្នានេះ សំណុំរឿងចំនួន ៤៤៦ករណី ពាក់ព័ន្ធជនត្រូវចោទ ៣ ៩២៧នាក់ មកពី ២៩សញ្ជាតិ ត្រូវបានបញ្ជូនទៅតុលាការ ខណៈការស៊ើបអង្កេតលើអ្នកពាក់ព័ន្ធ និងការស្វែងរកទ្រព្យសម្បត្តិខុសច្បាប់កំពុងបន្ត។ ថវិកាជាង ៣០០លានដុល្លារអាមេរិក ក្នុងគណនីធនាគារ ត្រូវបានបង្កក រួមទាំងទ្រព្យសម្បត្តិផ្សេងទៀតដែលកំពុងស្ថិតក្នុងនីតិវិធីបង្កក និងវាយតម្លៃ។ វិធានការច្បាប់ក៏ត្រូវបានអនុវត្តចំពោះមន្ត្រីដែលរកឃើញជាប់ពាក់ព័ន្ធ ដោយមាន ៤សំណុំរឿង ពាក់ព័ន្ធជនសង្ស័យ ១៥នាក់ រួមមាន ព្រះរាជអាជ្ញារង អគ្គនាយករងអន្តោប្រវេសន៍ ស្នងការរងរាជធានីភ្នំពេញ អតីតអគ្គនាយកនៃក្រសួងការបរទេស ព្រមទាំងមន្ត្រីនគរបាល និងយោធាមួយចំនួនទៀត។ សមត្ថកិច្ចកំពុងស្វែងរកចាប់ខ្លួនមុខសញ្ញាពាក់ព័ន្ធចំនួន ៨៥៥នាក់ តាមដីកាបង្គាប់របស់តុលាការ។ [**Join AMS One-minute**](https://t.me/ams1minute)