金边中央市场珠宝店遭窃 警方已抓获一名嫌疑人

សមត្ថកិច្ចឃាត់ខ្លួនជនសង្ស័យម្នាក់ ករណីគាស់តូបលក់គ្រឿងអលង្ការនៅផ្សារចាស់ សមត្ថកិច្ចនគរបាលរាជធានីភ្នំពេញ បានស្រាវជ្រាវ និងឃាត់ខ្លួនជនសង្ស័យម្នាក់ ពាក់ព័ន្ធករណីគាស់តូបលក់គ្រឿងអលង្ការនៅផ្សារចាស់ ក្នុងខណ្ឌដូនពេញ។ យោងតាមសំណេរលើទំព័រហ្វេសប៊ុករបស់លោក ជួន ណារិន្ទ ស្នងការនគរបាលរាជធានីភ្នំពេញ ករណីនេះបានកើតឡើងនៅវេលាម៉ោង ២:៣០នាទីរំលងអធ្រាត្រ ឈានចូលថ្ងៃទី៥ ខែតុលា ឆ្នាំ២០២៦ នៅក្នុងផ្សារចាស់ ភូមិ៥ សង្កាត់វត្តភ្នំ ខណ្ឌដូនពេញ រាជធានីភ្នំពេញ។ ក្រោយកើតហេតុ កម្លាំងការិយាល័យព្រហ្មទណ្ឌកម្រិតធ្ងន់ សហការជាមួយការិយាល័យព្រហ្មទណ្ឌកម្រិតស្រាល និងអធិការដ្ឋាននគរបាលខណ្ឌដូនពេញ បានធ្វើការស្រាវជ្រាវ រហូតឈានដល់ការឃាត់ខ្លួនជនសង្ស័យម្នាក់ឈ្មោះ ជា សាភា ភេទប្រុស អាយុ៣៣ឆ្នាំ មានមុខរបរជាកម្មកររោងចក្រ និងមានស្រុកកំណើតនៅភូមិច្រកម្ទេស ឃុំច្រកម្ទេស ស្រុកស្វាយទាប ខេត្តស្វាយរៀង។ បច្ចុប្បន្ន សមត្ថកិច្ចជំនាញកំពុងកសាងសំណុំរឿង ដើម្បីចាត់ការបន្តតាមនីតិវិធីច្បាប់។