柬埔寨商务部法律司召开月度会议 总结法务进展

លោកជំទាវ ខា ឡេង រដ្ឋលេខាធិការក្រសួងពាណិជ្ជកម្ម ដឹកនាំកិច្ចប្រជុំប្រចាំខែតុលា ឆ្នាំ២០២៦ របស់នាយកដ្ឋាននីតិកម្ម ... (ភ្នំពេញ)៖ នារសៀលថ្ងៃព្រហស្បតិ៍ ទី៥ ខែវិច្ឆិកា ឆ្នាំ២០២៦ នៅទីស្តីការក្រសួងពាណិជ្ជកម្ម លោកជំទាវ ខា ឡេង រដ្ឋលេខាធិការក្រសួងពាណិជ្ជកម្ម បានអញ្ជើញដឹកនាំកិច្ចប្រជុំប្រចាំខែតុលា ឆ្នាំ២០២៦ របស់នាយកដ្ឋាននីតិកម្ម ដោយមានការចូលរួមពី ឯកឧត្តម លោកជំទាវអនុរដ្ឋលេខាធិការ លោកស្រីអគ្គនាយកស្តីទី លោកប្រធាននាយកដ្ឋាន អនុប្រធាននាយកដ្ឋាន និងមន្ត្រីរាជការនៃនាយកដ្ឋាននីតិកម្ម ដើម្បីបូកសរុបលទ្ធផលការងារ និងលើកទិសដៅអនុវត្តបន្ត ព្រមទាំងចែករំលែកវឌ្ឍនភាពថ្មីៗពាក់ព័ន្ធនឹងការងារនីតិកម្ម។ ក្នុងឱកាសនោះ អង្គប្រជុំបានស្តាប់របាយការណ៍របស់នាយកដ្ឋាននីតិកម្ម អំពីវឌ្ឍនភាពការងារ និងបញ្ហាប្រឈមនាពេលកន្លងមក ដោយមានការចូលរួមផ្តល់មតិយោបល់ និងធាតុចូលបន្ថែមពី ឯកឧត្តម លោកជំទាវ ជាអនុរដ្ឋលេខាធិការ និងលោកស្រីអគ្គនាយកស្តីទី សំដៅបង្កើនប្រសិទ្ធភាពការងារឱ្យកាន់តែប្រសើរឡើង។ ជាមួយគ្នានេះ លោកជំទាវរដ្ឋលេខាធិការ បានថ្លែងអំណរគុណ និងវាយតម្លៃខ្ពស់ចំពោះកិច្ចខិតខំប្រឹងប្រែង និងស្មារតីសហការរវាងថ្នាក់ដឹកនាំ និងមន្ត្រីរាជការនៃនាយកដ្ឋាននីតិកម្ម ដែលសម្រេចបានសមិទ្ធផលគួរឱ្យកត់សម្គាល់នាពេលកន្លងមក។ ជាកិច្ចបញ្ចប់ លោកជំទាវរដ្ឋលេខាធិការ បានផ្តល់អនុសាសន៍ណែនាំដល់ថ្នាក់ដឹកនាំ និងមន្ត្រីទាំងអស់ ឱ្យបន្តយកចិត្តទុកដាក់ខ្ពស់ បំពេញភារកិច្ចដោយស្មារតីបុរេសកម្ម និងការទទួលខុសត្រូវខ្ពស់ ព្រមទាំងខិតខំប្រឹងប្រែងពង្រឹងសមត្ថភាពជាប្រចាំ ដើម្បីអភិវឌ្ឍខ្លួនផង និងបង្កើនប្រសិទ្ធភាពការងាររបស់ស្ថាប័នផងដែរ៕ … ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖ Connect with Ministry of Commerce: 🌐 [Facebook ](https://web.facebook.com/moc.gov.kh) 🌐 [Telegram](https://t.me/mocnewsfeed) 🌐 [Website](https://www.moc.gov.kh/) 🌐 [YouTube](https://www.youtube.com/@mocgovkhcambodia) 🌐 [X (Twitter](https://twitter.com/MoCCambodia))