柬埔寨内阁全体会议讨论五项重要议程

“ស្មារតីនៅជាមួយ ជាតិ កងកម្លាំង និង ជនភៀសសឹក គ្រប់វេលា 🇰🇭 “ ចូលរួមកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាព សម្តេចមហាបវរធិបតីនាយករដ្ឋមន្ត្រី ដើម្បីពិភាក្សា និងឆ្លងលើរបៀបវារៈសំខាន់ៗចំនួន៥ ៖ ១. សេចក្តីព្រាងក្របខ័ណ្ឌហិរញ្ញវត្ថុសាធារណៈរយៈពេលមធ្យម ឆ្នាំ២០២៧-២០២៩ ២. សេចក្តីព្រាងច្បាប់ស្តីពីកាតព្វកិច្ចយោធា ៣. សេចក្តីព្រាងកម្មវិធីវិនិយោគសាធារណៈ ៣ឆ្នាំរំកិល ២០២៧-២០២៩ ៤. សេចក្តីព្រាងគោលនយោបាយជាតិស្តីពីសកម្មភាពមីន ឆ្នាំ២០២៦-២០៣៥ ៥. របាយការណ៍វឌ្ឍនភាពស្តីពីការអនុវត្តវិធានការអន្តរាគមន៍ជួយអតីតពលករដែលវិលត្រឡប់ពីប្រទេសថៃ។ អង្គប្រជុំបានតាមដាន និងស្តាប់ដោយយកចិត្តទុកដាក់ខ្ពស់ លើវឌ្ឍនភាពការងារ និងវិធានការម៉ឹងម៉ាត់ របស់រាជរដ្ឋាភិបាល ព្រមទាំងទិសដៅការងារបន្ត ដើម្បីពង្រឹងសមត្ថភាពការពារជាតិ និងសង្គម-សេដ្ឋកិច្ច ក៏ដូចជាដើម្បីគ្រប់គ្រងដោះស្រាយបញ្ហាប្រឈម និងហានិភ័យនានា ជាពិសេសក្នុងបរិបទនៃការប្រែប្រួលសណ្តាប់ធ្នាប់អន្តរជាតិ។ ____ ព្រឹកថ្ងៃព្រហស្បតិ៍ ទី២៣ មេសា ២០២៦, វិមានសន្តិភាព រាជធានីភ្នំពេញ