干拉省网诈窝点案发酵 涉案人员被发红色通缉令

(វីដេអូ)៖ តុលាការបាននិងកំពុងចេញដីការតាមចាប់ខ្លួនអ្នកបង្កើតទីតាំងមជ្ឈមណ្ឌលឆបោកតាមប្រព័ន្ធអនឡាញ(Online Scams) នៅស្រុកកោះធំ ខេត្តកណ្តាល ដែលមានឈ្មោះ ឈីវ យិនអ៊ូ ជាកម្មសិទ្ធិករ និងឈ្មោះ ចន រីសស្គីន ជាអ្នកឈរឈ្មោះ ហើយបច្ចុប្បន្នកំពុងគេចខ្លួន​ និងក៏បានស្នើដាក់មុខសញ្ញាទាំងពីរ ក្នុងនិវេទន៍ក្រហមរបស់នគរបាលព្រហ្មទណ្ឌអន្តរជាតិ ស្វែងរកចាប់ខ្លួន។ មជ្ឈមណ្ឌលឆបោកតាមប្រព័ន្ធអនឡាញ(Online Scams) ដ៏ធំនេះ មានជាប់ពាក់ព័ន្ធនឹងក្រុមហ៊ុន ព្រីនស៍ គ្រុប របស់បុគ្គល ចេន ហ្ស៉ី ដែលជាធំរបស់ព្រីនស៍ និងត្រូវបានសមត្ថកិច្ចកម្ពុជា ចាប់បញ្ជូនទៅកាន់ប្រទេសចិនកាលពីពេលថ្មីៗនេះ។​ នេះបើយោងតាមការលើកឡើងដោយ លោក សេង ហៀង ព្រះរាជអាជ្ញារង នៃអយ្យការសាលាដំបូងរាជធានីភ្នំពេញ បានថ្លែងប្រាប់អ្នកសារព័ត៌មានជាតិ និងអន្តរជាតិ ក្នុងពេលចុះពិនិត្យទីតាំងមជ្ឈមណ្ឌលឆបោកអនឡាញនៅស្រុកកោះធំ ខេត្តកណ្តាល។ លោកថា កម្ពុជាមិនមែនជាទីតាំងឧក្រិដ្ឋកម្មឆបោកតាមប្រព័ន្ធបច្ចេកវិទ្យានោះទេ កម្ពុជាគឺជាប្រទេសរងគ្រោះ ហើយកម្ពុជាជាប្រទេសទី១ នៅក្នុងតំបន់ ដែលមានច្បាប់ប្រឆាំង Online Scams។ 👉ផលិតដោយ៖ CNC 🌐[Youtube](https://www.youtube.com/@cnctvcambodia)    [📱Tiktok](https://www.tiktok.com/@cnctvcambodia?is_from_webapp=1&sender_device=pc) [🌐Website](https://cnc.com.kh/)     🌐[Facebook](https://web.facebook.com/cnc.news.kh/) 🌐[CoolApp](https://channel.coolapp.com.kh/@cnc_top_news)    🌐[X](https://x.com/cnctvcambodia?s=20)