卫生部推进柬法友好医院项目 探讨经济模型与融资方案

កិច្ចប្រជុំជាមួយក្រុមហ៊ុន Assistance Publique – Hôpitaux de Paris, AP-HP International (APHP International) អំពីវឌ្ឍនភាពគម្រោងសិក្សាលទ្ធភាពបង្កើតមន្ទីរពេទ្យមិត្តភាពកម្ពុជា-បារាំង —— រាជធានីភ្នំពេញ៖ ព្រឹកថ្ងៃពុធ ទី៦ ខែឧសភា ឆ្នាំ២០២៦ នៅទីស្ដីការក្រសួងសុខាភិបាល ឯកឧត្តមសាស្រ្តាចារ្យ កុយ វ៉ាន់នី  រដ្ឋលេខាធិការក្រសួងសុខាភិបាល បានទទួលជួបពិភាក្សាការងារជាមួយក្រុមហ៊ុន APHP International អំពីវឌ្ឍនភាពគម្រោងសិក្សា លទ្ធភាពបង្កើតមន្ទីរពេទ្យមិត្តភាពកម្ពុជា-បារាំងនៅកម្ពុជា។ អង្គប្រជុំបានពិនិត្យ និងពិភាក្សាយ៉ាងលម្អិតអំពី៖ 1.ម៉ូដែលសេដ្ឋកិច្ច (economic model) របស់គម្រោង 2.មធ្យោបាយហិរញ្ញវត្ថុ និងដំណើរការ 3.ការចូលរួមចំណែក្នុងដំណើរគាំពារសុខភាពសាកល។ ឯកឧត្តមសាស្រ្តាចារ្យរដ្ឋលេខាធិការ បានស្វាគមន៍យ៉ាងកក់ក្ដៅចំពោះក្រុមហ៊ុន APHP International ដែលមានបំណង់ចូលរួមដើម្បីអភិវឌ្ឍន៍ វិស័យសុខាភិបាលកម្ពុជា តាមរយៈការសិក្សាស្វែងយល់ និងវាយតម្លៃស្ថានភាពបច្ចុប្បន្ន ក្នុងវិស័យសុខាភិបាលនៅក្នុងប្រទេសកម្ពុជា។ ឯកឧត្តមសាស្ត្រាចារ្យ ក៏បានថ្លែងអំណរគុណ និងបញ្ជាក់អំពីជំហរគាំទ្រ ជាគោលការណ៍ចំពោះលទ្ធផលសម្រេចបានជាបន្តបន្ទាប់ និងផែនការបន្ត របស់ក្រុមការងារខាងលើ ក្នុងការរៀបចំបង្កើតមន្ទីរពេទ្យសាកលវិទ្យាល័យ មិត្តភាពកម្ពុជា-បារាំងនៅកម្ពុជា។ **🌐** [Website](https://moh.gov.kh/kh/home) 📱 [Facebook](https://www.facebook.com/MinistryofHealthofCambodia?mibextid=ZbWKwL) 📱 [Telegram](https://t.me/MOHCambodia) 📱 [X (twitter)](https://x.com/MohCambodia) 📱 [Tiktok](https://www.tiktok.com/@mohcambodia) 📱 [YouTube](https://www.youtube.com/@MOHCambodia)