柬泰海洋争议仲裁案9月14日新加坡首开庭

គណៈកម្មការផ្សះផ្សាដោយបង្ខំ ក្រោម UNCLOS កម្ពុជា-ថៃ គ្រោងនឹងបើកកិច្ចប្រជុំលើកដំបូងរបស់ខ្លួន នៅថ្ងៃទី១៤-១៦ ខែកញ្ញា ឆ្នាំ២០២៦ នៅប្រទេសសិង្ហបុរី។ នេះបើយោងតាមការបញ្ជាក់របស់លោក សេង ឌីណា អ្នកនាំពាក្យក្រសួងយុត្តិធម៌ ដែលផ្អែកលើសេចក្ដីប្រកាសព័ត៌មានរបស់តុលាការមជ្ឈត្តការអចិន្ត្រៃយ៍ (Permanent Court of Arbitration - PCA) ចេញផ្សាយនៅថ្ងៃទី៩ ខែកញ្ញានេះ។ តាមប្រភពព័ត៌មានដដែលនេះ ការថ្លែងសុន្ទរកថាបើករបស់តំណាងភាគីកម្ពុជា និងតំណាងភាគីថៃ គ្រោងធ្វើឡើងនៅថ្ងៃអង្គារ ទី១៥ ខែកញ្ញា ម៉ោង៩ព្រឹក (ម៉ោងក្នុងប្រទេសសិង្ហបុរី ត្រូវនឹងម៉ោង ៨ព្រឹកនៅក្នុងប្រទេសកម្ពុជា) ហើយនឹងផ្សាយផ្ទាល់ (Webcast live) ជា ៣ភាសា៖ អង់គ្លេស, ខ្មែរ និងថៃ។