柬埔寨新闻部推动媒体数字化转型 提升政策传播效率

[来源: 柬埔寨国家电视台] [分类提示: NEWS] 标题: ឯកឧត្តម នេត្រ ភក្ត្រា ជំរុញពង្រឹងប្រព័ន្ធផ្សព្វផ្សាយរដ្ឋ ឱ្យកាន់តែមានប្រសិទ្ធភាពក្នុងការផ្សព្វផ្សាយគោលនយោបាយជាតិ ភ្នំពេញ៖ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ជំរុញឱ្យពង្រឹងប្រព័ន្ធផ្សព្វផ្សាយរបស់រដ្ឋ រួមមានវិទ្យុ ទូរទស្សន៍ កម្មវិធីឌីជីថល និងកាសែតជាទម្រង់ PDF ដើម្បីបង្កើនសមត្ថភាពរបស់រាជរដ្ឋាភិបាលក្នុងការផ្សព្វផ្សាយគោលនយោបាយជាតិ និងឆ្លើយតបប្រកបដោយប្រសិទ្ធភាពចំពោះបញ្ហាប្រឈមថ្មីៗដែលកំពុងកើតមាន។ ការជំរុញនេះ ត្រូវបានលើកឡើងក្នុងឱកាសដែលឯកឧត្តមរដ្ឋមន្ត្រី នេត្រ ភក្ត្រា អញ្ជើញដឹកនាំកិច្ចប្រជុំថ្នាក់ដឹកនាំ ដើម្បីវាយតម្លៃលទ្ធផល និងសមិទ្ធផលការងារពាក់កណ្តាលអាណត្តិ ចាប់ពីខែសីហា ឆ្នាំ២០២៣ ដល់បច្ចុប្បន្ន ព្រមទាំងពិនិត្យផែនការការងារសម្រាប់ឆ្នាំ២០២៧-២០២៨ ឆ្ពោះទៅសម្រេចផែនការយុទ្ធសាស្ត្រអភិវឌ្ឍន៍វិស័យព័ត៌មាន និងសោតទស្សន៍ ឆ្នាំ២០២៤-២០២៨ នាថ្ងៃទី១៧ ខែសីហា ឆ្នាំ២០២៦ នៅសាលចតុម្មុខមង្គល នៃទីស្តីការក្រសួងព័ត៌មាន។ ឯកឧត្តម នេត្រ ភក្ត្រា បានគូសបញ្ជាក់ថា ប្រព័ន្ធផ្សព្វផ្សាយរបស់រដ្ឋត្រូវបង្កើនតួនាទីរបស់ខ្លួនក្នុងការរួមចំណែករក្សាសន្តិសុខជាតិ និងសណ្តាប់ធ្នាប់សាធារណៈ ព្រមទាំងធានាថា សាររបស់រាជរដ្ឋាភិបាលត្រូវបានផ្សព្វផ្សាយទៅកាន់សាធារណជនប្រកបដោយភាពច្បាស់លាស់ ស្របគ្នា និងមានប្រសិទ្ធភាព។ ឯកឧត្តមរដ្ឋមន្ត្រីបានបញ្ជាក់ថា៖ «អាទិភាពរបស់យើង គឺការរក្សាសន្តិសុខជាតិ និងសណ្តាប់ធ្នាប់សាធារណៈ» ដោយសង្កត់ធ្ងន់ថា បញ្ហាប្រឈមនានាចាំបាច់ត្រូវដោះស្រាយទាំងក្នុងទិដ្ឋភាពបច្ចេកទេស នយោបាយ និងយុទ្ធសាស្ត្រ។ ឯកឧត្តមបានបន្ថែមថា ការងាររបស់ក្រសួងព័ត៌មាន មិនមែនផ្តោតត្រឹមតែការខិតខំប្រឹងប្រែងប៉ុណ្ណោះទេ ប៉ុន្តែត្រូវ «ធ្វើការឱ្យឆ្លាតវៃ» ផងដែរ ដើម្បីធានាថា ការដោះស្រាយបញ្ហាដែលមានភាពរសើប ឬស្មុគស្មាញ អាចប្រព្រឹត្តទៅបានកាន់តែមានប្រសិទ្