柬埔寨青年联合会与妇女部举行工作会谈 探讨青年参与合作

នារសៀលថ្ងៃទី៧ ខែកញ្ញា ឆ្នាំ ២០២៦ លោកជំទាវ មិថុនា ភូថង សមាជិកគណៈអចិន្ត្រៃយ៍ តំណាងឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ព្រមទាំងសហការី បានអញ្ជើញទទួលជួបពិភាក្សាការងារ និងពិគ្រោះយោបល់ជាមួយប្រតិភូក្រសួងកិច្ចការនារី នៅទីស្នាក់ការ ស.ស.យ.ក.។ ជាកិច្ចចាប់ផ្តើម លោកជំទាវ មិថុនា ភូថង បានពាំនាំនូវការផ្តាំផ្ញើសាកសួរសុខទុក្ខពីសំណាក់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា ជូនចំពោះ លោកស្រី សុផាន វល័ក្ខ អនុប្រធាននាយកដ្ឋានសហប្រតិបត្តិការអន្តរជាតិ នៃក្រសួងកិច្ចការនារី។ សូមជម្រាបជូនថា ជំនួបពិភាក្សានេះ រៀបចំឡើងតាមការស្នើសុំរបស់ក្រសួងកិច្ចការនារី ក្នុងគោលបំណងសិក្សាស្វែងយល់ ប្រមូលធាតុចូល បទពិសោធន៍ និងយុទ្ធសាស្ត្រផ្សព្វផ្សាយនានារបស់ ស.ស.យ.ក. ដើម្បីយកទៅរៀបចំសេចក្តីព្រាងកម្មវិធីលើកកម្ពស់ «ពុកម្តាយល្អ កូនល្អ និងគ្រួសារល្អ» របស់ក្រសួងកិច្ចការនារី ឱ្យមានលក្ខណៈគ្រប់ជ្រុងជ្រោយ ឆ្លើយតបទៅនឹងយុទ្ធសាស្ត្រជាតិ ព្រមទាំងជួយលើកកម្ពស់ឥរិយាបថសង្គម និងសមភាពយេនឌ័រនៅតាមសហគមន៍ឱ្យមានប្រសិទ្ធភាព និងចីរភាព។ **👉🏽តំណភ្ជាប់ទៅកាន់បណ្តាញសង្គមរបស់ ស.ស.យ.ក.** 🌐 [**uyfc.org**](https://www.uyfc.org/) 📱 [**Facebook**](https://www.facebook.com/uyfccambodia) 📱 [**YouTube**](https://www.youtube.com/@unionofyouthfederationcambodia)** ** 📱 [**Telegram**](https://t.me/uyfc_news)** ** 📱** **[**TikTok**](https://www.tiktok.com/@uyfccambodia?_t=8fUJ9WcjHX8)