柬埔寨首个气候融资项目正式启动 获1亿美元绿色基金支持

[来源: 柬埔寨国家电视台] [分类提示: NEWS] 标题: ពិធីសម្ពោធដាក់ឱ្យអនុវត្តជាផ្លូវការនូវកម្មវិធីហិរញ្ញប្បទានអាកាសធាតុនៅកម្ពុជា (Cambodia Climate Finance Facility “CCFF”) នាថ្ងៃទី១៧ ខែមិថុនា ឆ្នាំ២០២៦, ធនាគារអភិវឌ្ឍន៍ជនបទ និងកសិកម្ម (ARDB) សហការជាមួយក្រុមហ៊ុន Mekong Strategic Capital (MSC) បានរៀបចំពិធីសម្ពោធដាក់ឱ្យអនុវត្តជាផ្លូវការនូវ «កម្មវិធីហិរញ្ញប្បទាន អាកាសធាតុនៅកម្ពុជា (Cambodia Climate Finance Facility – CCFF)» ដែលប្រព្រឹត្តនៅសណ្ឋាគារសុខា ភ្នំពេញ ក្រោមអធិបតីភាពរបស់ ឯកឧត្តម រស់ សីលវ៉ា រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ ជាតំណាង ដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ ដោយមានការអញ្ជើញចូលរួមពីតំណាងក្រសួង-ស្ថាប័ន, ធនាគារជាតិនៃកម្ពុជា, ដៃគូអភិវឌ្ឍន៍ អន្តរជាតិ, គ្រឹះស្ថានធនាគារ និងហិរញ្ញវត្ថុ, និងក្រុមហ៊ុនឯកជនពាក់ព័ន្ធផ្សេងទៀត។  ជាលទ្ធផល, កម្មវិធី CCFF ដែលជាកម្មវិធីហិរញ្ញប្បទានអាកាសធាតុថ្នាក់ជាតិដំបូងគេបង្អស់នៅអាស៊ី សម្រាប់វិស័យឯកជន ក្រោមការគាំទ្រពីរាជរដ្ឋាភិបាលកម្ពុជា តាមរយៈក្រសួងសេដ្ឋកិច្ច និងហិរញ្ញវត្ថុ និង ក្រសួងបរិស្ថាន ត្រូវបានប្រកាសដាក់ឱ្យអនុវត្តជាផ្លូវការ ជាមួយនឹងដើមទុន ចំនួន ១០០ លានដុល្លារអាម៉េរិក អនុម័តដោយមូលនិធិអាកាសធាតុបៃតង (GCF) ដែលមានធនាគារអភិវឌ្ឍន៍កូរ៉េ (KDB) ជាស្ថាប័នមានសម្បទា (Accredited Entity), ធនាគារ ARDB ជាប្រតិបត្តិករ, និង ក្រុមហ៊ុន MSC ជាទីប្រឹក្សាបច្ចេកទេស។ ព្រឹត្តិការណ៍ ដ៏មានសារៈសំខាន់នេះ សម្រេចបាននូវលទ្ធផល និងចំណុចគន្លឹះចម្បងៗដូចខាងក្រោម÷  (១). ប្រកាសជាផ្លូវការដាក់ឱ្យអនុវត្តកម្មវិធីហិរញ្ញប្បទានអាកាសធាតុនៅកម្ពុជា និង ចុះហត្ថលេខាលើ កិច្ចព្រមព្រៀងនៃកម្មវិធី CCFF ។  (២). កម្មវិធីបានចាប់ផ្តើមបើកដំណើរការការផ