泰国拨款1300万美元 升级柬泰边境防御设施

គណៈរដ្ឋមន្ត្រីថៃ អនុម័តថវិកាជាង ១៣លានដុល្លារ សាងសង់លេណដ្ឋាននៅព្រំដែន ខណៈកម្ពុជាប្រកាសតាមដានយ៉ាងយកចិត្តទុកដាក់ គណៈរដ្ឋមន្ត្រីថៃ បានសម្រេចអនុម័តកញ្ចប់ថវិកាជាង ១៣លានដុល្លារអាមេរិក ដើមី្បសាងសង់លេណដ្ឋានសន្តិសុខ និងធ្វើឱ្យប្រសើរឡើងនូវប្រព័ន្ធប្រកាសអាសន្ន ព្រមទាំងបណ្តាញទំនាក់ទំនងនៅតាមខេត្តទាំង ៧ ជាប់បណ្តោយព្រំដែនជាមួយកម្ពុជា។ ផ្អែកតាមប្រភពព័ត៌មានពីបណ្តាញផ្សព្វផ្សាយថៃ កញ្ចប់ថវិកាមួយផ្នែកធំ នឹងត្រូវយកទៅប្រើប្រាស់សម្រាប់ការសាងសង់លេណដ្ឋាន និងជម្រកសុវត្ថិភាពការពារការទម្លាក់គ្រាប់បែកចំនួន ១,៦៦៩កន្លែង ព្រមទាំងការសាងសង់ប៉មប្រកាសអាសន្នចំនួន ១៤៣កន្លែង និងការដំឡើងប្រព័ន្ធទំនាក់ទំនងវិទ្យុឌីជីថលនៅគ្រប់ខេត្តជាប់ព្រំដែន។ ជុំវិញបច្ចុប្បន្នភាពនេះ ឯកឧត្តម ចាន់ រតនា អ្នកនាំពាក្យស្តីទីក្រសួងការបរទេស និងកិច្ចសហប្រតិបត្តិការអន្តរជាតិនៃកម្ពុជា បានបញ្ជាក់ថា អាជ្ញាធរជំនាញកម្ពុជាបាន និងកំពុងតាមដានយ៉ាងយកចិត្តទុកដាក់ជាប្រចាំលើរាល់សកម្មភាពរបស់ភាគីថៃ ដោយប្រកាសថា ប្រសិនជាមានសកម្មភាពសាងសង់ហេដ្ឋារចនាសម្ព័ន្ធណាមួយកៀកនឹងព្រំដែន ឬរំលោភចូលទឹកដីកម្ពុជាដោយខុសច្បាប់ ភាគីកម្ពុជានឹងធ្វើការតវ៉ាផ្លូវការភ្លាមៗ។ [Facebook](https://www.facebook.com/rumlech9/) | [Facebook](https://www.facebook.com/share/1C7Fatvbeb/?mibextid=wwXIfr) | [Facebook](https://www.facebook.com/profile.php?id=61582633534888) | [Telegram](https://t.me/rumlech9)