暹粒甘特市场前长者销售新年祭祀用品

ចាស់ៗអង្គុយលក់ស្លាធម៌បាយសី និងគ្រឿងរណ្ដាប់ចាំបាច់ នៅមុខផ្សារកន្ត្រក សៀមរាប៖ មួយថ្ងៃមុនពិធីបុណ្យចូលឆ្នាំខ្មែរចូលមកដល់ ចាស់ៗក្នុងភូមិកន្ត្រក ដែលចេះធ្វើស្លាធម៌បាយសី និងគ្រឿងរណ្ដាប់ផ្សេងៗសម្រាប់ទទួលទេវតាឆ្នាំថ្មី បាននាំគ្នាដាក់លក់ស្លាធម៌បាយសីហូរហែនៅខាងមុខផ្សារកន្ត្រក ស្ថិតក្នុងសង្កាត់ស្វាយដង្គំ ក្រុងសៀមរាប។ បើតាមចាស់ៗដែលកំពុងអង្គុយលក់បណ្ដើរធ្វើបណ្ដើរបានប្រាប់ថា ស្លាធម៌បាយសីក្នុងមួយឈុតលក់បានតម្លៃ ១ម៉ឺនរៀល។ រីឯទង់ ដីខ្សាច់ ខន្ធប្រាំ លក់បានតម្លៃ ២ពាន់រៀល ក្នុងមួយថង់។ ចំណូលដែលរកបានពីការលក់ដូរក្នុងរដូវចូលឆ្នាំនេះ ពួកគាត់យកធ្វើបុណ្យទានជាមួយកូនចៅពេលទៅវត្តជុំគ្នា៕ រូបភាព៖ថោង ប្រណី