柬埔寨卫生部研讨气候变化对公共健康的影响

សិក្ខាសាលាពិគ្រោះយោបល់ថ្នាក់ជាតិ ដើម្បីផ្ទៀងផ្ទាត់របាយការណ៍វាយតម្លៃភាពងាយរងគ្រោះ និងការបន្ស៊ាំនឹងអាកាសធាតុសម្រាប់សុខភាពសារធារណៈ។ —— រាជធានីភ្នំពេញ៖ ព្រឹកថ្ងៃទី៦ ខែតុលា ឆ្នាំ២០២៦ ឯកឧត្តមវេជ្ជបណ្ឌិត ឡូ វាសនាគីរី រដ្ឋលេខាធិការក្រសួងសុខាភិបាល បានអញ្ជើញចូលរួមជាអធិបតី ក្នុងពិធីបើកសិក្ខាសាលាពិគ្រោះយោបល់ថ្នាក់ជាតិ ដើម្បីផ្ទៀងផ្ទាត់របាយការណ៍វាយតម្លៃភាពងាយរងគ្រោះ និងការបន្ស៊ាំទៅនឹងការប្រែប្រួលអាកាសធាតុសម្រាប់សុខភាព។ សិក្ខាសាលាមានគោលបំណង ដើម្បីធ្វើការពិគ្រោះយោបល់ប្រមូលធាតុចូល ក្នុងការពិនិត្យផ្ទៀងផ្ទាត់ លើរបាយការណ៍វាយតម្លៃភាពងាយរងគ្រោះ និងការបន្ស៊ាំទៅនឹងការប្រែប្រួលអាកាសធាតុ និងសុខភាពនៅកម្ពុជា ឱ្យកាន់តែមានភាពសុក្រិត និងមានការឯកភាពគ្នា។ ក្នុងឱកាសនៃពីធីបើកសិក្ខាសាលា ឯកឧត្តមរដ្ឋលេខាធិការបានផ្តល់អនុសាសន៍ឱ្យសមាជិក សមាជិកាចូលរួមពិភាក្សានូវចំណុចសំខាន់ចំនួនបួន៖ ១-តើការវាយតម្លៃនេះមានភាពត្រឹមត្រូវ និងឆ្លុះបញ្ជាំងគ្រប់គ្រាន់ពីបរិបទនៃការប្រែប្រួលអាកាសធាតុ និងផលប៉ះពាល់ចំពោះសុខភាពនៅកម្ពុជាឬទេ? ២-តើមានបញ្ហាឬក្រុមប្រជាជនងាយរងគ្រោះសំខាន់ៗអ្វីខ្លះ ដែលមិនទាន់បានបញ្ចូល? ៣-តើមានភស្តុតាងឬចំណេះដឹងមូលដ្ឋានបន្ថែមអ្វីខ្លះ ដែលគួរត្រូវបានបញ្ចូល? ៤-តើការផ្តល់អនុសាសន៍អំពីយុទ្ធសាស្រ្តបន្ស៊ាំគ្រប់គ្រាន់ឬនៅ? មានចំណុចអ្វីខ្លះដែលយើងត្រូវដាក់បន្ថែមទៀតឬទេ? សិក្ខាសាលានេះ មានការចូលរួមពីថ្នាក់ដឹកនាំ មន្រ្គី គណៈកម្មាធិការជាតិគ្រប់គ្រងគ្រោះមហន្តរាយ ក្រសួងអភិវឌ្ឍន៍ជនបទ ក្រសួងបរិស្ថាន ក្រសួងធនធានទឹក និងឧតុនិយម កាកបាទក្រហមកម្ពុជា និងមន្ទីរសុខាភិបាល នៃរដ្ឋបាលរាជធានី ខេត្តពាក់ព័ន្ធ ចំនួន៥ និងដៃគូអភិវឌ្ឍន៍ ដូចជាអង្គការសុខភាពពិភពលោក(WHO), ធនាគារអភិវឌ្ឍន៍អាស៊ី (ADB), មូលនិធិJFPR, JICA, IOM សរុបចំនួន ៥០រូប។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter)](https://x.com/MohCambodia) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)